اڈیالہ جیل وچ سیاسی و عام قیدیاں نال ملاقاتاں دی پابندی ختم

راولپنڈی(بیورورپورٹ)راولپنڈی دی اڈیالہ جیل وچ سیاسی و عام قیدیاں نال ملاقاتاں اُتے 2ہفتیاں توں جاری پابندی ختم کردتی گئی اے۔پنجاب حکومت نے سکیورٹی خدشیاں دے پیش نظر 12 مارچ نوں سیاسی و عام قیدیاں نال ملاقاتاں اُتے پابندی لائی سی ۔جیل انتظامیہ دے مطابق اڈیالہ جیل وچ اج توں ملاقاتاں دوبارہ بحال ہو گئیاں نیں، پابندی دا مقصد بانی پی ٹی آئی سنے7 ہزار توںوَدھ قیدیاں دی حفاظت نوں یقینی بنانا سی۔سپرنٹنڈنٹ اڈیالہ جیل دا کہنا اے کہ جیل وچ اج توں ملاقاتاں اُتے پابندی مُک چکی اے، ساریاں قیدیاں دے گھر والے معمول دی ایس او پیز دے مطابق ملاقات کر سکن گے۔واضح رہے پی ٹی آئی دے وکیلاں ولوں ملاقاتاں اُتے پابندی خلاف اسلام آباد ہائیکورٹ وچ سپرنٹنڈنٹ اڈیالہ جیل دے خلاف توہین عدالت دی درخواست اُتے دائر کیتی گئی سی ۔