عون چودھری دی جِت دے خلاف درخواست سماعت لئی مقرر کرنے دا حکم

لہور(پنجابی میڈیا) لہور ہائیکورٹ نے استحکام پاکستان پارٹی دے رہنما عون چودھری دی این اے 128 توں کامیابی دے خلاف درخواست سماعت لئی مقرر کرن دا حکم دے دتا۔لہور ہائیکورٹ دے جج جسٹس فیصل زمان خان نے این اے 128 توں آزاد امیدوار سلمان اکرم راجہ دی درخواست اُتے بطور اعتراض سماعت کیتی۔درخواست گزار ولوں موقف اختیار کیتا گیا کہ اسیں عون چودھری دی حلقہ این اے 128 توں جت دے خلاف الیکشن کمیشن نال رجوع کیتا سی، الیکشن کمیشن نے آکھیا کہ تُسی الیکشن ٹریبونل وچ درخواست دائر کرن، الیکشن کمیشن نے اپنے قنونی جواز نوں استعمال نہیں کیتا۔درخواست وچ استدعا کیتی گئی کہ عدالت الیکشن کمیشن دے فیصلے نوں کالعدم قرار دیوے تے حلقہ این اے 128 توںعون چودھری دی جِت دا نوٹیفکیشن معطل کرن دے احکامات جاری کرے