غیر قنونی بھرتیاں دا کیس: پرویز الہی تے ہورملزم فرد جرم لئی طلب

لہور(پنجابی میڈیا)اینٹی کرپشن عدالت نے غیر قنونی بھرتیاں دے کیس وچ سابق وزیراعلی پنجاب چودھری پرویز الہی تے ہور ملزماں نوں فرد جرم لئی طلب کر لیا۔لہور دی اینٹی کرپشن عدالت دے جج ارشد حسین بھٹہ نے پچھلی سماعت دا تحریری حکم جاری کردتا، عدالت نے چودھری پرویز الہی سنے ہور ملزماں نوں4اپریل والے دن فرد جرم لئی سدھیا اے۔عدالت نے فیصلے وچ لکھیا کہ سینٹرل جیل راولپنڈی نے پرویز الہی دیاں میڈیکل رپورٹا جمع کروایاں، 17 مارچ نوں رہنما تحریک انصاف واش روم وچ ڈِگ گئے، ڈِگن نال پرویز الہی دی پسلی فریکچر ہوئی۔عدالتی حکم وچ ہور لکھیا گیا کہ میڈیکل افسر نے سابق وزیراعلی پنجاب نوں 2ہفتیاں لئی آرام کرن دا مشورہ دتا اے، ملزم نوں عدالت پیش نہ کیتا گیا جس پاروں فرد جرم عائد نہیں ہو سکی۔