وزیراعلی پنجاب نے نوازشریف کسان کارڈ دی منظوری دے دتی

لہور(پنجابی میڈیا)وزیراعلی پنجاب مریم نواز نے’’نوازشریف کسان کارڈ‘‘ دی منظوری دے دتی۔وزیراعلی پنجاب مریم نواز دی زیر صدارت زرعی اصلاح دے حوالے نال اُچیچا اجلاس ہویا جس وچ پنجاب سیڈ کارپوریشن تے پنجاب ایگری ریسرچ بورڈ دی تشکیل نو تے زرعی زمین دا رہائشی مقصد دے طور اُتے استعمال روکن لئی قنون لیان دی تجویز دا جائزہ لیا گیا۔ایس حوالے نال مریم نواز نے آکھیا کہ کسان کارڈ ذریعے 5 لکھ چھوٹے کاشتکاراں نوں آسان شرطاں اُتے اک ورھے وچ150ارب روپے دا قرضہ دتا جائے گا، بہترین بیج، کھاد تے کیڑے مار دوایاں دی خریداری لئی کاشتکاراںنوں 30ہزار روپے فی ایکڑ زرعی قرض دتا جائے گا۔