پاکستان نوں گھٹ توں گھٹ3ورھیاں دا نوا آئی ایم ایف پروگرام درکار اے،وزیرخزانہ

کراچی(بیورورپورٹ) وفاقی وزیر خزانہ محمد اورنگزیب نے آکھیا اے کہ پاکستان نوں گھٹ توں گھٹ3ورھیاں دا نوا آئی ایم ایف پروگرام درکار اے۔کراچی وچ اسٹاک ایکس چینج وچ تقریب نال خطاب کر دیاں ہویاں وزیر خزانہ نے آکھیا کہ پاکستانی وفد آئی ایم ایف تے ورلڈ بینک نال مذاکرات لئی14 تے15 اپریل نوں واشنگٹن جائے گا جس وچ نویں پروگرام دے خدوخال اُتے گل کراں گے جدکہ تفصیلی مذاکرات پاکستان آ کے ہون گے۔اونہاں نے آکھیا کہ آئی ایم ایف دیاں شرطاں ملک لئی بہتر نیں تے ایہ آخری پروگرام اوسی ویلے ہوئے گاجَد اسیں اسٹرکچرل پالیسیاں اپناواں، ہُن اسیں اپنی توجہ کس اُتے مرکوز کرنی اے،ایہ اسیں جان دے ہاں کہ کیہ تے کیوں کرنا اے۔محمد اورنگزیب نے آکھیا کہ آئی ایم ایف نال اسٹاف لیول معاہدہ نگراں حکومت دے منظم اقدام دی بدولت ممکن ہویا، نگراں دور حکومت وچ میکرو اکنامک استحکام آیا۔