میرے تے مریم نواز دے ہُندیاں ہویاں بوٹی مافیا نوںپنپنے نہیں دتا جائے گا، وزیرتعلیم

لہور(پنجابی میڈیا)وزیر تعلیم دیاں خفیہ ٹیماں دی امتحانی مرکزاں دی مانیٹرنگ جاری اے۔ ساندہ دے امتحانی مرکز وچ نقل دا بازار سرگرم ہون دی اطلاع ملدیاں ہی وزیر تعلیم، چیئرمین تے کنٹرولر لہور بورڈ دے ہمراہ ایم آئی ہیپی سکول نیشنل ٹاؤن ساندہ اپڑگئے جیتھے امتحانی مرکز وچ وڈھے پیمانے اُتے نقل کیتی جا رہی سی۔ وزیر تعلیم نے نقل کرواندیاں عملہ نوںرنگے ہتھوں پھڑ لیا۔ جدکہ بعض امیدوار دُوجے امیدراں دی جگہ پرچہ دیندیاں وی پھڑے گئے۔ وزیر تعلیم دے اچانک اپڑن اُتے نگران عملہ وی حواس باختہ ہو گیا جدکہ دُوجیاں دی جگہ پرچہ دین والے امیدوار وی پریشان ہو گئے۔ امتحانی مرکز وچ سپرنٹینڈنٹ تے نگران عملہ سنے جعلی امیدواراںنوں وزیر تعلیم نے موقع اُتے پلس بلوا کے گرفتارکروادتا۔