آصفہ بھٹو زرداری این اے207 توں بلا مقابلہ کامیاب

نواب شاہ(بیورورپورٹ)پاکستان پیپلز پارٹی(پی پی پی) دی امیدوارآصفہ بھٹو زرداری نواب شاہ دے حلقے این اے207 توں بلا مقابلہ کامیاب ہوگئیاں۔الیکشن کمیشن دا کہنا اے کہ پی پی دی امیدوار آصفہ بھٹو زرداری دے مقابلے وچ11امیدواراں نے کاغذات نامزدگی داخل کروائے سن۔ریٹرننگ آفیسر دے مطابق 7 امیدواراں دے کاغذات مسترد ہوئے جدکہ3امیدواراں نے کاغذات واپس لے لیے۔صدر آصف زرداری نے صدر مملکت منتخب ہون اُتے نشست چھڈی سی، آصف علی زرداری دی خالی نشست اُتے آصفہ بھٹو زرداری نوں پیپلزپارٹی ولوں نامزد کیتا گیا سی۔ریٹرننگ آفیسر شیر علی جمالی نے آکھیاکہ7 آزاد امیدواراں دے کاغذات نامزدگی مسترد ہوئے سن، پی ٹی آئی آزاد امیدوار سردار شیر محمد رند نے کاغذات نامزدگی مسترد ہون دے خلاف اپیل نہیں کیتی۔یاد رہے سردار شیر محمد رند عام الیکشن وچ آصف علی زرداری دے مقابلے وچ دُوجے نمبر اُتے سن۔