پی ٹی آئی نے آصفہ بھٹو نوں وی متنازع بنان دی کوشش کیتی، سعید غنی

کراچی(بیورورپورت)وزیر بلدیات، ہائوسنگ ٹائون پلاننگ، پبلک ہیلتھ انجینئرنگ تے رورل ڈویلپمنٹ سندھ سعید غنی نے آکھیا اے کہ آصفہ بھٹو نوںایم ایم این اے منتخب ہون اُتے مبارکباد پیش کردا ہاں، پی ٹی آئی نے آصفہ بھٹو نوں وی متنازع بنان دی کوشش کیتی، ماضی وچ ایس نشست اُتے پیپلزپارٹی کامیابی ہُندی رہی اے، مخالف امیدواراں نوں 50،50 ہزار توں وَدھ ووٹاں توں شکست دتی۔وزیر داخلہ تے قنون سندھ ضیاء الحسن لنجار تے پیپلز پارٹی سندھ دے انفارمیشن سیکرٹری عاجز دھامراہ دے ہمراہ میڈیا سیل بلاول ہائوس کراچی وچ پریس کانفرنس کر دیاں ہویاں صوبائی وزیر سعید غنی نے آکھیا کہ نواب شاہ دی نشست اُتے پیپلزپارٹی ہمیشہ جتی اے، 2018 وچ وی پیپلز پارٹی نے ایس نشست توں کامیابی حاصل کیتی سی۔