67 توں پہلاں والی فلسطینی ریاست قائم،دارالحکومت القدس ہونا چاہیدا اے،اسحاق ڈار

آستانہ (بیورورپورٹ)نائب وزیراعظم تے وزیر خارجہ اسحاق ڈار نے آکھیا اے کہ 1967 توں پہلاں دی پوزیشن اُتے فلسطینی ریاست قائم کیتی جائے، جس دا دارالحکومت القدس ہوئے۔نائب وزیراعظم تے وزیر خارجہ اسحاق ڈار نے آستانہ وچ اجلاس نال خطاب کر دیاں ہویاں آکھیا کہ ایرانی صدر ابراہیم رئیسی تے وزیر خارجہ دے حادثاتی انتقال اُتے رنجیدہ نیں، حکومت پاکستان تے عوام ایرانی حکومت تے عوام دے غم وچ رَلتی نیں، ابراہیم رئیسی تے وزیر خارجی مدبر رہنما سن۔اونہاں نے آکھیا کہ دوناں رہنماواں نے پاکستان تے ایران دے تعلقات وچ اہم کردار ادا کیتا، ایرانی صدر دے پچھلے مہینے دورہ پاکستان بارے بوہت ساریاں یادیں محفوظ نیں۔