چودھری پرویز الہی نوںلہورہائیکورٹ توں وڈھا ریلیف مل گیا

لہور(پنجابی میڈیا )لہور ہائیکورٹ نے پنجاب اسمبلی وچ بھرتیاں دے کیس وچ سابق وزیراعلی پنجاب چودھری پرویزالہی دی درخواست ضمانت منظورکر لئی۔لہور ہائیکورٹ دے جسٹس سلطان تنویر نے محفوظ فیصلہ سنا دتا، پنجاب اسمبلی وچ غیر قنونی بھرتیاں دے کیس وچ عدالت نے سابق وزیر اعلی پنجاب دی ضمانت منظور کیتی۔پچھلے دناں لہور ہائی کورٹ نے پنجاب اسمبلی وچ غیر قنونی بھرتیاں دے کیس وچ پرویز الہی دی درخواست ضمانت اُتے فیصلہ محفوظ کیتا سی۔دوران سماعت وکیل پرویز الہی نے عدالت نوں آگاہ کیتا سی کہ اینٹی کرپشن نے مقدمہ 2ورھیاں نوںلیٹ اے۔وکیل عامر سعیدراں نے عدالت نوں دسیا کہ پرویز الہی نے کسی امیدوار توں بھرتی دی رقم وصول نہیں کیتی، اونہاں داایس بھرتی نال کوئی تعلق نہیں سی، اینٹی کرپشن نے پرویز الہی دے گھروں جعلی ریکوری پائی۔