پاکستان آئی ایم ایف مذاکرات؛ ٹیکس ہدف وچ1300ارب روپے ودھان دی تجویز

اسلام آباد(بیورورپورٹ) پاکستان دی معاشی ٹیم نے آئی ایم ایف دے نال میکرو اکنامک فریم ورک شئیر کردتا۔ذرائع مطابق وزارت خزانہ نے آئی ایم ایف نوں بریفنگ وچ دسیا کہ ٹیکس ہدف وچ1300 ارب روپے ودھان دی تجویز اے۔ نویں مالی سال لئی ایف بی آر دا ٹیکس ہدف 12 ہزار 400 ارب روپے مقرر کرن دی تجویز اے جدکہ پاکستان تے آئی ایم ایف دے وچکار بنیادی معاشی اہداف دے تعین اُتے اجے اختلاف برقرار اے۔پاکستان تے آئی ایم ایف دے وچکار غذائی اجناس تے توانائی لئی ٹارگٹڈ سبسڈی دین اُتے وی اتفاق ہویا اے۔ذرائع مطابق آئی ایم ایف نے آئندہ مالی سال وچ جی ڈی پی گروتھ 5۔3 فیصد تک محدود رہن دا تخمینہ لایا اے تے وزارت خزانہ نے اگلے ورھے شرح نمو دا ہدف 7۔3 فیصد تجویز کیتا اے۔