ریلوے نے کئی ٹریناں دے کرائے گھٹ کر دتے

لہور(پنجابی میڈیا)ریلوے حکام نے 1 کلو میڑ توں 200 کلو میٹر تک ساریاں کلاساں دی ٹریناں دے کرائے گھٹ کر دتے۔ریلوے حکام دے مطابق بعض ٹریناں دی اکانومی کلاس دے کرائے 54 فیصد تک گھٹ کیتے گئیے نیںجدکہ اے سی کلاس دے کرایاں وچ 40 فیصد تک کمی کیتی گئی اے۔لہور تا راولپنڈی دے وچجار چلن والی ٹرین ریل کار دی اکانومی کلاس دا گھٹ توں گھٹ کرایہ 250 روپے سی جیہڑا گھٹ ہو کے 100 روپے کر دتا گیا اے۔خیبر میل ٹرین دی اکانومی کلاس دا1 کلو میٹر توں 130 کلو میٹر تک کرایہ 250 روپے سی جیہڑا گھٹ ہو کے 100 روپے رہ گیا اے۔اک مہینے دے دوران 2 وار ڈیزل گھٹ ہون پاروں کرائے گھٹ کیتے گئے نیں ،ریلوے حکام نے ٹریناں دے کرائے گھٹ کرن دا نوٹیفکیشن جاری کر دتا اے جس اُتے اج 21 مئی توں عمل درآمد کیتا جائے گا۔