پاکستان سارک عمل نوں مضبوط بنان لئی اپنا کردار ادا کر دا رہے گا، وزیر اعظم شہباز شریف

اسلام آباد(بیورورپورٹ) سائوتھ ایشین ایسوسی ایشن فار ریجنل کوآپریشن (سارک) دے سیکرٹری جنرل محمد غلام سرور، جیہڑے پاکستان دے اپنے پہلے دورہ اُتے نیں،نے وزیراعظم محمد شہباز شریف نال ملاقات کیتی۔وزیر اعظم نے اونہاں نوں سارک دے 15ویں سیکرٹری جنرل دے طور اُتے تقرری اُتے مبارکباد دتی۔ اونہاں نے امید ظاہر کیتی کہ سیکرٹری جنرل تنظیم دی بحالی لئی اپنا بھرپور کردار ادا کرن گے جداں کہ سیکرٹری جنرل سارک سارک دا تعلق بنگلہ دیش توں اے، وزیراعظم نے بنگلہ دیش دی وزیراعظم لئی اپنی نیک خواہشاںظاہر کیتیاں تے آکھیا کہ پاکستان بنگلہ دیش دے نال اپنے دوطرفہ تعلقات نوں مضبوط بنان دا خواہاں اے۔ علاقائی تناظر وچ وزیراعظم نے ایس گل اُتے زور دتا کہ سارک وچ علاقائی ترقی، تجارت، تعاون تے اشتراک دے بے پناہ امکانات نیں۔