ٹک ٹاک دا جنون : وردی وچ ویڈیو وائرل ، لیڈی کانسٹیبل نوکری توں فارغ

لہور: ٹک ٹاک دا جنون لیڈی کانسٹیبل نوں مہنگا پے گیا ، لیڈی کانسٹیبل وفا توقیر نوں وردی وچ اپنی ویڈیو سوشل میڈیا اُتے وائرل کرن اُتے نوکری توں فارغ کر دتا گیا ۔لیڈی کانسٹیبل وفا توقیر موبائل سکواڈ وچ تعینات سن ، جس نے کجھ دن پہلاں وردی وچ ویڈیو بنا کے اپ لوڈ کیتی ، ویڈیو ساہمنے آون اُتے واقعے دی تفتش کیتی گئی ، قصور وار ثابت ہوون اُتے اوس نوں بر طرف کر دتا گیا ۔