حکومتی اقدامات دے باوجود چینی دی قیمت نوں پَر لگ گئے ،

لہور : حکومتی اقدمات دے باوجود چینی دی قیمت نوں پَر لگ گئے ، مسلسل چوتھے ہفتے وچ اڑھائی روپئے کلو دا وادھا ہوئیا ، اک مہینے دے دوران چینی مجموعی طور تے 7روپئے 26پیسے فی کلو مہنگی ہوئی ۔تفصیلات دے مطابق چینی دی قیمت روز ودھ رہیی اے ، اک ہفتے وچ چینی ہور 2روپئے 52پیسے فی کلو مہنگی ہو گئی جس تو بعد نویں قیمت87روپئے84پیسے فی کلو ہو گئی ۔ادارہ شماریات دے مطابق اک ماہ دے دوران چینی دی مجموعی طور اُتے 7روپئے 26پیسے فی کلو اضا فہ ہوئیا ، پچھلے ہفتے وچ مہنگائی دی شرح 0.2فیصد ودھ گئی تے 17شیواں دی قیمتاں ودھ گیاں ۔آٹے دا 20کلو دا تھیلا34روپئے ودھ گئیا جد کہ پیاز ، چھوٹا گوشت تے چاول دی قیمت وی ودھ گئی ۔ادارہ شماریات دی رپورٹ اندر آکھیا گیا کہ اک ہفتے وچ11شیواںدی قیمت گھٹی ، برائلر 20روپئے فی کلو سستا، جد کہ لہسن ، ٹماٹر، دالاں تے ایل پی جی وی سستی ہوئی ، اک ہفتے وچ23شیواں دی قیمت رُکی رہیی۔