نفلی قربانی دی رقم حقداراں نوں دیون دا بوہت ثواب اے : علماء

لہور : پورے ملک دے علماء تے مشائخ عظام نے عوام نال اپیل کیتی کی نفلی قربانی دی رقم حقداراں نوں دیون دا بوہت ثواب اے کہ قربانی اک عبادت اے تے صاحب نصاب نوں اک قربانی ادا کرنی اے ، نفلی قربانی دی رقم حقدداراں نوں تقسیم کیتی جاوے تے اللہ کریم توں زیادہ اجر ملے گا ، علما ء تے مشائخ نے اپیل کیتی کے کورونا توں احتیاط کر دیاں ہوئیاں معتبر ادارے آن لائن جانور خریدن تے اجتماعی قربانی و حصہ لیون ، جانور خریدن وقت احتیاط کرن ۔متحدہ علما بوڈ دے دفتر وچ ہوون والی پریس کانفرنس نال خطاب کردیاں چیئرمین پاکستان علما بورڈ حافظ محمد طاہر محمود اشرفی، سید ضیا اللہ شاہ بخاری ، مولانا ضیا الحق نقشبندی ، علامہ عبد الحق مجاہد، مولانا محمد رفیق جامی، علامہ حافظ کاظم رضا، مولانا اسد اللہ فاروق ، مولانا زبیر عابد ، مولانا ظفر اللہ شفیق ، مفتی حفیظ الرحمن ، مفتی فلک شیر ، مولانا محمد خان لغاری ، پیر قطب الدین فریدی، مولانا اسلم صدیقی ، مولانا شمس الحق ، مولانا عبد القیوم فاروقی ، مولانا قاری عبد الحکیم اطہر ، مولانا محمد اشفاق پتافی ، مولانا اسید الرحمن سعید، مولانا یاسر علوی ، مولانا عمار بلوچ ، مولانا عثمان بیگ فاروقی تے ہوراں نے آکھیا کہ وڈی عید تمام مسلماناں لئی عقیدت و احترام دا دن اے ، کورونا توں احتیاط لازمی کرن ۔ اوہناں آکھیا کہ کھلاں تے اجتماعی قربانی دے معاملات وچ مدرسے تے مسجداں نو کوئی پریشانی نہیںہوئے گی ، جنہاں مدرسیاں نوں این او سی دتے گئے نیں اوہناں نوں ایس سال وی اجازت ملے گی ، ملک وچ سارے مکاتب فکر دے درمیان ہم آہنگی پائی جاندی اے ۔ کسی وی فرد یا گروہ نوں ملک وچ انتشار نہیں پھیلاون دیاں گے َ