کورونا پاروں موتاں گھٹ گیاں ؛ مہلک وائرس نے 24مریضاں دی جان لے لئی

اسلام آباد : صورتحال دن بدن بہتر ہو ون لگ پئی ۔ کورونا نال موتاں گھٹ گیاں ، مہلک وائرس نے24مریضاں دی جان لے لئی جس توں بعد موتاں دی تعداد 5ہزار787ہو گئی ، پاکستان وچ کورونا دے تصدیق شدہ مریضاں دی تعداد2لکھ 71ہزار 887ہو گئی۔نیشنل کمانڈ اینڈ آپریشن سینٹر دی تازہ رپورٹ دے مطابق 24گھنٹے دے دوران 1ہزار 487نویں مریض ساہمنے آئے ، پنجاب وچ91ہزار691، سندھ وچ 1لکھ16ہزار800، خیبر پختونخوا وچ33ہزار 71، بلوچستان وچ11ہزار550، گلگت وچ1ہزار942، اسلام آباد وچ14ہزار ، 821جد کہ آزاد کشمیر وچ2ہزار 12مریض ساہمنے آئے ۔۔ملک وچ ہن تک 18لکھ44ہزار 926مریضاں دا ٹیسٹ ہو چکیا اے ، پچھلے24گھنٹے دے دروان23ہزار630ٹیسٹ کیتے گئے ، ہن تک2لکھ36ہزار596مریض صحت یاب ہو چکے نیں ، جد کہ 1ہزار 294مریضاں دی حالت تشویشناک اے ۔پاکستان وچ کورونا نال اک دن اندر24افراد اللہ نوں پیارے ہو گئے ،جس توں بعد وائرس نال مرن والیاں دی تعداد5ہزار787ہو گئی ،۔ پنجاب وچ2ہزار 113، سندھ وچ 2ہزار110، خیبر پختونخواہ وچ1ہزار 170، اسلام آباد وچ162، بلوچستان وچ136، گلگت بلتستابن وچ47تے آزاد کشمیر وچ49مریض جان توں ہتھ دھو بیٹھے ۔