وفاقی وزیر داخلہ اعجاز شاہ نے اپوزیشن دی تحریک نوں ریاست مخالف قرار دے دتا

اسلام آباد: وفاقی وزیر داخلہ اعجاز شاہ نے اپوزیشن دی تحریک تے ریلیاں نوں ریاست مخالف قرار دے دتا۔ اعجاز شاہ نے اک بیان وچ آکھیا کوئی وی جمہوری روایت اجازت نہیں دیندی کہ ایہدے اداریاں دی عزت نوں پامال کیتا جائے۔ اوہناں آکھیا نوازشریف احتساب توں بچن لئی بیرون ملک توں ریاست مخالف پروپیگنڈے دی ترویج کر رہے نیں، ایہ ریاست مخالف ایجنڈا صرف ملک وچ انتشار پھیلان لئی کیتا جا رہیا اے۔ وفاقی وزیر داخلہ دا کہنا سی پاکستان تے ایہدے اداریاں دے تحفظ نوں یقینی بنانا ساڈا فرض اے تے ایہدے تے کسے قسم دا سمجھوتہ نہیں کیتا جا سکدا۔