پاکستان وڈی اکثریت نال3 وریاں لئی اقوام متحدہ دی انسانی حقوق کونسل دا رکن منتخب

اسلام آباد( بھلیکھا ٹی وی ) پاکستان نے وڈی اکثریت نال آن والے 3 وریاں لئی اقوام متحدہ دی انسانی حقوق کونسل دا رکن منتخب ہو کہ اک ہور سفارتی کامیابی حاصل کرلی اے۔
اقوام متحدہ دی انسانی حقوق کونسل دے انتخابات وچ پاکستان نے ریکارڈ ووٹ حاصل کیتے تے191 وچوں 169 ووٹ لین وچکامیاب ہویا، پاکستان نے ایشیا پیسیفک ریجنل وچ سب توں ودھ ووٹ حاصل کیتے۔شاہ محمود قریشی نے آکھیا کہ پاکستان نوں اینے ودھ ووٹاں دا ملنا، عالمی سطح اُتے پاکستان دی پالیسیاں اُتے اعتماد دا اظہار اے، پاکستان نے ہمیشہ اقوام متحدہ سمیت تمام عالمی فورمز اُتے بنیادی انسانی حقوق دے تحفظ تے انسانی حقوق دی پاسداری لئی آواز بلند کیتی اے۔ وزیر خارجہ داکہنا اے کہ پاکستان دا انسانی حقوق کونسل دا رکن بننا وڈی کامیابی اے، انسانی حقوق کونسل وچ کشمیر لئی آواز چُکاں گے، بھارت یو این سلامتی کونسل دی قرارداداں دا پابند اے، دنیا وچ امن تے استحکام لئی پاکستان دے کردار نوں سراہیا جا رہا ہے۔شاہ محمود قریشی نے آکھیا کہ مقبوضہ کشمیر نوں بے پناہ چیلنجاں دا ساہمنا اے، مقبوضہ کشمیر وچ انسانی حقوق دی سنگین خلاف ورزیاں جاری نیں، مقبوضہ کشمیر دے لوکاں نوں بے دردی نال ماریا جا رہیا اے، بھارت نے کشمیریاں نوں15 مہینیاں توں محصور کیتا ہوئیا اے۔