بی آر ٹی نوں25 اکتوبر نوں بحال کیتے جان دا امکان

پشاور( بھلیکھا ٹی وی ) بی آر ٹی نوں25 اکتوبر نوں بحال کیتے جان دا امکان اے۔ آلات دی تبدیلی تے ہور مسائل دے حل دے بعد کمپنی نے بحالی دی سفارش کر دتی۔ترجمان ٹرانس پشاور نے آکھیا کہ بساں دی وائرنگ نوں ہور موثر بنایا جا رہیا اے، بی آر ٹی دی بسیں تے ااوہناں دے پرزے وارنٹی وچ نیں۔دُجے پاسے پشاور وچ بی آر ٹی بساں وچ آگ لگن دے واقعات بارے چینی کمپنی نے رپورٹ صوبائی حکومت نوں پیش کر دتی۔ رپورٹ وچ غیر معمولی بیرونی حالات تے گھٹ گنجائش دے کیپیسٹراگ لگن دی وجوہات قرار دتے گئے نیں۔رپورٹ وچ آکھیا گیا کہ درجہ حرات کنٹرول کرن والا سافٹ ویئر وی سڑ گیا ، ٹی ایم موٹرز کنٹرول بہتر ماڈل نال تبدیل کر دتا گیا، جیہڑا85 توں ودھ کے105 سینٹی گریڈ تک درجہ حرات برداشت کر سکے گا۔ رپورٹ دے مطابق اضافی فیوز وی نصب کر دتے گئے نیں۔