گرینڈ ہیلتھ الائنس دا پورے سندھ دے سرکاری ہسپتالاں وچ او پی ڈیز دا بائیکاٹ

کراچی(بھلیکھا ٹی وی ) گرینڈ ہیلتھ الائنس نے پورے سندھ وچ سرکاری ہسپتالاں وچ او پی ڈیز دا بائیکاٹ کر دتا ۔ صوبائی وزیر صحت ڈاکٹر عذرا فضل پیچوہو دا کہنا سی کہ رسک الانس معطلی دا نوٹیفکیشن واپس لے لیتا گیا اے، ڈاکٹر احتجاج ختم کرن، مریضاں نوں پریشان نہ کیتا جائے۔تفصیل دے مطابق سندھ وچ ڈاکٹراں دی ہڑتال دے باعث صوبائی وزیر صحت ڈاکٹر عذرا فضل پیچوہو نے اہم فیصلہ کردیاں ہوئیا آکھیا کہ محکمہ صحت دے سارے ملازماں لئی رسک الانس بحال کرن دا اعلان کردیا اے۔صوبائی وزیر صحت دا آکھنا اے کہ جد تک کورونا کیسز موجود نیں، عملے نوں کورونا رسک الانس ملے گا۔ ڈاکٹراں نال التجا اے کہ او پی ڈیز دا احتجاج ختم کرن۔ڈاکٹر عذرا پیچوہو دا کہنا سی کہ رسک الانس معطلی دا نوٹی فیکشن واپس لے لیتا اے۔ محکمہ صحت عملے لئی رسک الانس پیکچ دا حصہ نہیں بنا سکدے۔ ڈاکٹر مذاکرات نال مسائل حل کرن۔