غزل
شکیل امجد صادق
ساہواں نال گزارے دن
فر وی کلّے کارے دن
میں، توں تے ساوے موسم
ایہو سن بس چارے دن
اگ وسا کے سا دیہاڑے
راتاں اگے ہارے دن
اک واری تے رج کے ویکھاں
دے، دے چار ادھارے دن
عمراں لئی نیں ہجر، اُڈیکاں
ساڈے نہیں اے وارے دن
راتاں پاپی جت ای گئیاں
من گئے ہار وچارے دن
میں تے ایہو جانیا امجد
جند کلی توں بھارے دن
Users Today : 456
Users Yesterday : 469
Total Users : 723560
Views Today : 9780
Total views : 11560135
Who's Online : 6
