منیرنیازی

سید فراست بخاری

اک ہیرا انمول گیا
اپنے رب دے کول گیا
پیار دی بولی بولن والا
سچ دی تکڑی تولن والا
سوچ دے گنجھل کھولن والا
غم دے بوہے کھول گیا
اک ہیرا انمول گیا
اپنے رب دے کول گیا
اوہدے نغمے اوہدے گیت
اوہدا جذبہ پیار پریت
تیرا میرا سب دا میت
ہسدا وسدا ڈول گیا
اک ہیرا انمول گیا
اپنے رب دے کول گیا
سچا سوہنا اک انسان
سچا اوسدا اے دیوان
اوسدے شعراں چ وجدان
بول اوہ مٹھے بول گیا
اک ہیرا انمول گیا
اپنے رب دے کول گیا
مواحد شاہ اے پیر پیارا
اوس دا یار منیر پیارا
سب دا بیلی ویر پیارا
کناں وچ گھول گیا
اک ہیرا انمول گیا
اپنے رب دے کول گیا
حمداں‘ نعتاں لکھدا سی
چنگیاں باتاں لکھدا سی
دن تے راتاں لکھدا سی
فراست دُکھ سُکھ پھول گیا
اک ہیرا انمول گیا
اپنے رب دے کول گیا