نظــم
زاہد حسن
شہریں آپنے رنگ برنگے تاجر آئے
ون سونیاں ہٹیاں کھلیاں
مساگ‘ کجل تے ٹونباں گہنے
ویلاں‘ شیٹاں دے تھان نیں کھلے
اج رج رج شاپنگ کر لے
بھلک وپار نہیں ہوونا
چوری دے بھر بھر چھنے
اٹھ بنیرے دھر لے
ملکھ سہانا‘ راج ببّانا
رل سنگتاں چڑھ سیجیں بہہ لے
بابل دے نال روسے کر لے
کل ترنجناں کھنڈ‘ پھٹ جاونا
ساہورڑے نروار نہیں ہوونا
Users Today : 390
Users Yesterday : 469
Total Users : 723494
Views Today : 7802
Total views : 11558157
Who's Online : 6
