غزل
احسان رانا
وس چلے میں ہر اک رُت نوں چیتر رُت بناواں
پاک وطن دی مٹی گوواں سُچے پھل اُگاواں
اُس ویلے کیوں ساڈے مونہہ نوں چپ دے جندرے لگے
چڑیاں دا جد بھپا کھا کھا شور مچایا کانواں
بھادوں دی اوہ بدلی ہے سی چھم چھما چھم وسی
پھیر اداسی کچھُڑ چا لئی سارے شہر گراواں
ویہندیاں ویہندیاں رات مونہہ کالی ہور وی کالی ہوئی
کدے کدائیں تک لیندے ساں تارا ٹانواں ٹانواں
سدھراں تاہنگاں آس اُمیداں گھول متھولا ہوئیاں
اگے پچھے ہو ہو مل دا میرا ای پرچھاواں
اکھاں والی ہر اک مٹی اکھوں پانی منگے
سُنیا دوروں پانی پیون گئیاں دُور گھٹاواں
کھُوہ پرانا گیڑے رانا اتھر اتھر کیرے
جتھے جتھے اتھر کیرے بل بل نکلن ہاواں
Load/Hide Comments