پنجاب

راشد حسن رانا

پتل دیاں شاماں والیاں ڈانگاں
تیز گنڈاسے بلماں ،گج دے ہوئے ڈھول
تے نچ دے ہوئے اتھرے گھوڑے
گل ویاہن لئی
جنجاں ڈک دے نابر راٹھ
تے کالے چٹے فرنگیاں نال
سینہ ڈاہ کے لڑدے‘ مردے
شینہہ جہے گبھرو
جھمر پائوندیاں کنکاں تے مٹیاراں
ساں ساں کردے بیلے
ساوے پتن
لُک لُک ملدیاں ہیراں‘ رانجھے
جنڈاں ہیٹھاں رُل دے مرزے
وچ ترنجناں چرخے گھوکر
دائریاں دے وچ
ڈھولے‘ ماہیے
جد تیکر پنجاں پانیاں دی
ایس دھرتی اُتے
ایہہ سب کجھ اکھ نوں
دس دا رہے گا، ایہہ نابر پنجاب
جگ دا گہنا رہے گا