مٹھڑی بولی پنجابی

سلیم اختر ندیم

مصری وچ گھولی پنجابی
اسی وَل وَل بولی پنجابی
اساں ڈھیر زباناں چکھیاں نیں
ہے مٹھڑی بولی پنجابی
اج وقت ہے یکجا ہوون دا
کیوں ٹولی ٹولی پنجابی
ایہدے اندر فقر ہے باہوؒ دا
نئیں خالی خولی پنجابی
ایہنوں خون پلاویں شہ رگ دا
نئیں آنکھ مچولی پنجابی
خوشیاں دی سیج سجاون لئی
چکدا ہے گھڑولی پنجابی
وَل پھلاں دے میزان اُتے
شبنم نے تولی پنجابی
اج فخر دے نال ندیمؔ آکھے
ساڈی ہولی سولی پنجابی