فرمایا رب نے
عبدالحمید نظامی
فرمایا رب نے ، اے محبوب میرے
تیرے رُتبے کرنے نیں پل پل اُچیرے
جنت تے دوزخ ایہہ سارا پسارا
قسمے بنایا اے صدقے میں تیرے
ایویں تے نہیں سدیا عرشاں تے تینوں
تکیائے مینوں توں لا لا کے پھیرے
تیرے کولوں میں تے کجھ نہیں لُکایا
تیرے شان کیتے نیں سب توں اُچیرے
تیرے توں پہلاں سی راتاں سیاہیاں
تینوں گھل کے کیتے نے جگ تے سویرے
تیرے نور دی لو جہاناں تے کِھنڈی
ظلماں نے اپنے چا لئے سی ڈیرے
عمراں نظامیؔ مُک جانیاں نیں
لکھن والے لکھن گے شاناں بتھیرے
Load/Hide Comments