نعت شریف

جاوید پنچھی

تساڈی یاد میرا اے سہارا یا رسول اللہؐ
کدی وچ خاب دے بخشو نظارا یا رسول اللہؐ
ہے نائو اس حیاتی دی پھسی گرداب وچ آقاؐ
مری کشتی نوں مل جائے کنارا یا رسول اللہؐ
پکاراں ہور کس نوں میں‘ تساں ورگا نہ کوئی اے
تساڈے باجھ کہڑا اے دوارا یا رسول اللہؐ
سنو فریاد میری تے مکائو ہجر دا موسم
چمک جاوے مری قسمت دا تارا یا رسول اللہؐ
جدوں سبھ کجھ خدا نے آپؐ دے ہتھیں اے دتا تے
کرے چارا کیہ پنچھیؔ فر وچارا یا رسول اللہؐ