غزل

شکیل امجد صادق

بیلے دے وچ کئی تصویراں کلیاں کلیاں
روئیاں نیں اج سسسیاں ہیراں کلیاں کلیاں
بھکھ نمانڑی ننگا ڈھڈ وی کجیا نہیں
تن تے دسیاں اج فر لیراں کلیاں کلیاں
انج وچھوڑے پئے نیں میرے ویہڑے وچ
روئیاں نیں فر اج تقدیراں کلیاں کلیاں
اک دوجے نوں پچھدے پچھدے رہ گئے ساں
ساتھوں ہوئیاں سن تقصیراں کلیاں کلیاں
ایویں دوش میں دوش نوں دیندے رہنا ایں
لیکھاں لائیاں آپ لکیراں کلیاں کلیاں
ساڈا جثہ کنڈیاں دے نل ونھیاں سو
پیریں پائیاں آپ زنجیراں کلیاں کلیاں