غزل

احسان رانا

کھیپاں وچ بھلیکھے پا لوو
رُسیا ہویا من پرچا لوو
ملبے تھلیوں کسے نہیں کڈھنا
سِر دا پتھر آپ ہٹا لوو
ویلھیاں بہ کے کھِدو پھولو
ٹُردے پھردے یار بنا لوو
کلیاں ہس کے کلیاں رو کے
اپنے دل دا بھار ونڈا لوو
چڑھدے سورج سوچاں کچھو
ڈُبدے سورج نیویں پا لوو
گاہدی اُتے سُتیاں ویکھو
ہُن جے ویلا بولھ منا لوو
میریاں لکھتاں شیشا رہنا
اپنے چہرے آپ لُکا لوو
بھوں چوں کملا دل ایہ آکھے
جہنوں تکو مسیت بنا لوو
پنڈ دے بالاں کھکھر چھیڑی
رانا جی ہُن خیر منا لوو