غزل

بیگم شادچغتائی

تینوں سامنے بٹھا کے چناں تکدی رہواں
سوہنے نیناں نوں میں نیناں نال ڈکدی رہواں
ایس دل دی کتاب میں تے پڑھی شوق نال
آوے دل وچ ابال تے میں ڈکدی رہواں
میرے دل وچ توں میرے نیناں وچ توں
سدا ساہواں وچ ناں تیرا جپدی رہواں
تیری خیر مناواں منگاں ایہو میں دعاواں
تیرے ہجر دے بخار وچ تپدی رہواں
کھول دل دی دکان وچ شوق دا سامان
گاہک بن کے جے آویں کھٹی کھٹدی رہواں
ڈونگھا پیار والا پانی کہندی شاد دیوانی
تیرے پیار والے موتی سدا لبھدی رہواں