وِچھرن دا غم

ڈاکٹر ہر بنس کور گل

جنم بھوئیں توں وچھڑن دا غم کوئی چھوٹا غم نہیں ہندا
اکھاں وچوں وگن گھرالاں اج وی ایہناں توں تھم نہیں ہندا
ایہ درد نہیں اک پاسڑا رُوحاں سبھ کرلاندیاں نیں
دوہاں پنجاباں دے اک ہوںْ دا سدا سُپن ہنڈاندیاں نیں
بیتے دیاں یاداں پھولیے پچھے جاندے نیں وچارے دل
جد اپنے پرائے ہو جاون جیوے کیہدے سہارے دل؟
گلے لگ کے چیکاں ماریاں دُکھ کدے وی کم نہیں ہندا
جنم بھوئیں توں وچھڑن دا غم گل! چھوٹا غم نہیں ہندا
جنم بھوئیں توں وچھڑن دا غم کوئی چھوٹا غم نہیں ہندا
اکھاں وچوں وگن گھرالاں اج وی ایہناں توں تھم نہیں ہندا