آ سجناں وے آ
بھپندر پنیوالیا
وے آ سجنا وے آ اوہناں وقتاں نوں لبھیئے
وے جدوںہوندے دِن سی سروںٍ دے پُھل ورگے
پتہ نہیں اوہ سماں آویگا کہ ہُن نہ
وے لگدے بازی مُحبتاں دی اسیں ہر گئے
چنگا سی اوہ ویلا جدوں مِلیاں دو روحاں
کھِڑ کھِڑ ہسیاں سی وے پِنڈاں دِیاں جوہاں
عِشق سمندراں نے بڑے ہی گہِرے سجنا
وے کدے اسیں ڈُب گئے تے کدے آپاں تر گئے
وے سمیں سمیں دِیاں سبھ ہوندیاں نے گلاں
کدے آؤندے نے طوفان کدے خاموش نے چھلاں
کی پُچھنا اے اوہناں پتھراں نے حال وے
جہڑے وِچارے لون دے وانگراں ہی کھر گئے
یاد کر کر ویلے اتے دِن اوہ پیارے
جِند سجنا وے ساڈی بھُباں پئی ہُن مارے
ہُن لبھنے نہ لبھے اوہ دِن وے سانوں کدے
جہڑے ساڈی جھولی مُحبتاں نال بھر گئے
Load/Hide Comments