ایہہ جیہا طیبہ ہووے موسم
عبدالحمید نظامی
ایہہ جیہا طیبہ ہووے موسم
عاشق دا دل کھوہوے موسم
عاصیاں اُتے رحمتاں والا
تنبو تاں کھلووے موسم
چڑھیاں نت بہاراں دسن
دُکھی دل نوں موہوے موسم
خبرے ہجروں پیا گھبراوے
ہسدا ہسدا رووے موسم
دے کے سانوں دید تسلی
بی وصل دا بووے موسم
کھوہ نیناں دا گیڑن دے لئی
نِت نِت سانوں جووے موسم
صبر میرے تے ورھ ورھ کے
سدھراں نوں پیا دھووے موسم
نرمی سختی دُکھ سکھ اندر
لو ، کلو ، ولووے موسم
کہوے نظامی رہن دے کُھلا
ادھا بوہا ڈھووے موسم
Load/Hide Comments