غزل

ہجویری بھٹی

پھُل توڑاں تے ہتھ وچ کنڈا وجدا اے
خوشیاں دی خوشبو نال گھر پیا سجدا اے
سونے ہیریاں نال ای عورت سجدی نہیں
جُوڑے وچ اک پھل وی چنگا لگدا اے
اجڑ چارن والے دُھپ وچ سڑ دے نیں
پُتر اک وی چنگا سر نوں کجدا اے
کوئی پکھیرو اٹھ دس آہلنے پاندا نہیں
پنجرے وچ اک پنچھی بوہتا رجدا اے
ہیرے سونے چاندی موتیاں نالوں وی
سوہنا تیری اکھ وچ ڈورا لج دا اے
میلے وجدا ڈھول جے کنیں پے جاوے
دل وچ تیرے پیار دا تو بنا وجدا اے