غزل

قیصرمحمودگورایہ

دکھ دا حساب لکھ رہیا واں
عشق دا نصاب لکھ رہیا واں
جگر دے لہو دی قلم نال
سوچ دا گلاب لکھ رہیا واں
عاشقاں نوں میں فقیر اتے
عشق نوں نواب لکھ رہیا واں
اتھروآں دی ویکھ کے میں ٹھل
اکھ نوں چناب لکھ رہیا واں
اینے دُکھ کِتھوں لئے نیں ایس
دل دا احتساب لکھ رہیا واں
یار دا ہجر نہ دیندا سون
نیندراں خراب لکھ رہیا واں
ہر صفحے تے اوہدا مُکھ دِسے گا
میں اجہی کتاب لکھ رہیا واں
قیصرے توں پچھ کے سجناں باجھ
زندگی عذاب لکھ رہیا واں