کچّی کلّی ۔ ۔۔محبوب علی محبوب

لکھت:طاہر وزیر آبادی

صدیاں توں ٹُرے طویل بحری شعری رنگ نوں اگاہنہ ٹورن دی ریت ہولی ہولی مُکدی جا رہی اے۔اوس شعری رنگ وچ نظمیہ انداز راہیں قصہ گوئی تے کہانی نوں اچھوتے رنگاں وچ پیش کیتا جاندا سی۔ ویلابدلیا تے غزل دے رنگ نوں بھر واں رواج نصیب ہوندا گیا تے اج ادبی ذوق رکھن والیاں دے نال نال پڑھن والیاں نوں وی نِکی بِحر ہی چوکھی پسند آ ئی۔اجہے دور وچ کہ جدوں ہر باہی نِکی بحر رواج پا گئی مُڑ وی کدھرے کدھرے لمی بحر لکھن والے شاعر دی اُ کا ختم نہ ہووے جناں پاروں پرانا طویل بحری رنگ اجے وی زندہ اے ۔ اجہے تھوڑے جئے مہان ادبی مِتراں اک مٹھرا ناواں میری تحصیل وزیر آ باد دے پنڈمگواں وچ اپنی ادبی جوت جگائی بیٹھا اے۔اک شعرہتھلی کتاب کّچی کّلی چوں ؎
بس کرملاں نہ پا رو لا توں کیہ مغز کھپایا
ولی خدا دے عملاںوالے پاک نبیﷺ فرمایا
محبوب علی محبوب سد ھی تے کھری سوچ رکھن والے مان جوگ شاعر نیں ۔انجدے شاعر ہی ادبی تھلاں دا اصلی سر مایہ ہوندے نیں ۔انجدے موتی اج دے ادبی بھنڈار وچ ٹانویں ہی لبھدے نیں۔محبوب علی
محبوب نوں اکھراں دا مان رکھنا وی اوندا اے تے اچھوتے خیالا ں نوں شعراں وچ پروون دا ول وی خوب اوندا اے۔میں جدوں دی محبوب علی محبوب نوں سنیا ں ڈھیر چنگا لگا تے اج اوہناں دا بھرواں کلام
پڑھن دا اتفاق ہویا۔ آ ئو اک ربائی دا انگ ویکھو
توں بُرا کسے نوں فیر آ کھیں پہلاں اپنا آپ سنبھال یارا
فیر کسے دے اُتے دیویں دھبہ پہلاں اپنا کر خیال یارا
جے توں اپنا آ پ صا ف کر لیں فیر لگے جگ کمال یارامحبوب دوجیاں ول خیال لازم پہلاں اپنا پیٹ نہ پال یاراحساس طبع محبوب سانجھی سوچ وکھن والا شاعر اے۔معاشرے دے ہر انگ نوں مذہبی سو جھ نال ویکھدا تے محسوس کردا اے۔ ایس لئی محبوب علی محبوب وچ مذہبی انگاں دی خو شبو موجود اے۔سچ آکھاں تے اوہ اک درویش شاعر تے ر بدے پاک محبوبﷺ دا سچا تے کھرا عاشق وی اے۔اوہدی ہر دوجی غزل، نظم تے ربائی وچ مذہبی رنگ موجو د اے ۔
عشق شرع توں اگلا ورقا توں کیہ جانے مُلا ں
جے اک صرف عشق دا پڑھ لیں دور ہوون سب بھُلاں
محبوب علی محبوب دا کلام اپنی تھاں اک ثقافتی ورثے دا رنگ ہی جاپدا اے۔جد کہ اوہناں دے سُنا ون دا انداز وی پرانے بابیاں دی یاد نوں نریا کر دا اے۔ سنن والے سبھے لوک بھرواں سواد چُکدے نیں۔ ویکھن وچ اک سادھ پنڈورا جیا نظری آ ون والا ، اپنے کلام پاروں پورے قد کاٹھ وچ نظری آوندا اے۔ اک شعر ویکھو
؎ ایسا دھو بی لبھ لے بندیا جہڑا تیرے دل نوں دھو وے
روز حشر نوں بندیا تیرا حامی بن کھلووے
محبوب علی محبوب دی ایہہ ساری ادبی جوت نِگھیاں محبتاں تے سانجھے پیار نال بھری ہوئی اے۔اوہ اک صوفی شاعر وی جاپدا اے تے اپنے معا شرے دے ہرانگ توں واقف سو جھوا ن وی۔اوس اپنے
ادبی اظہار دا ذریعہ صوفی بزرگا ں وانگ اپنی ماں بولی نوں ہی متھیا۔ تعلیم بے شک تھوڑی اے پر اوہناں دا کلام کسے وی طراں گھٹ نہیں ۔ اوہ اک پیڈا تے سُلکھنا کلام لکھن والا ادھمی شاعر ہوون دے نال نال چنگی سوجھ رکھن والا مٹھڑاانسان وی اے۔محبوب علی محبوب اپنا ایڈریس شعراں راہیں انج بیان کیتا اے
میری تحصیل وزیر آباد ،ضلع گوجر انوالہ پہلوانی دے وچ مشہور ہے جی
میری قوم چوہان تے پنڈ مٹواں جوڑے چوڑے توں دور ہے جی
اُوس پنڈ دے لوک نیں بہت چنگے راضی اہناں تے رب غفور ہے جی
رب رحم کرے میرے پنڈ اُتے میرے دل تے اکھا ں دا نور ہے جی
کھریاں باتاں سدھا کھرا انداز پڑھن والا آ سانی نال پڑھ لیندا اے۔ محبوب علی محبوب میری تحصیل وزیر آباد دا ادبی سرمایہ اے۔ سوہنا رب اہناں نوں سوہنی صحت نال لمی حیاتی دیوے تے اوہ ایسے ہی طراں پنجابی ادب دے ویڑے وچ پُھل سجاندے رہن۔۔آ مین