ٹرمپ دا اعتراف تے بھارت

لکھت:سعد اللہ شاہ

رواں اس آنکھ سے اشکوں کا ایک دریا ہے
کسی نے دل پہ تسلی کا ہاتھ رکھا ہے
ستارہ وار چمکنے لگی ہیں یہ آنکھیں
اداس شام کے پہلو سے چاند نکلا ہے
لگدا اے چنگے موسم آن والے نیں اک امید جہی لگ پئی اے۔ قدرت نوں شاید ساڈی بہتری منظور اے۔ یقینا ایہدے وچ ساڈا کوئی کمال نہیں تے ساڈی کارکردگی ساریاں دے سامنے اے۔ ایہنوں بخت آوری کہیے کہ افغانستان معجزانہ انداز وچ فیر طالبان دے تسلط وچ آ گیا۔ اللہ اپنی صفات توں پچھانیا جاندا اے تے اوہدی قدرت کاملہ بدلدے ہوئے حیرت ناک منظر چوں جھلکدی اے۔ ایتھے ٹرمپ دا تذکرہ کرنا چنگا رہوے گا کہ جو وی اے امریکی صدراں وچ اوہ پہلے صدر نیں جہناں دا ظاہر باطن اک اے۔ اوہناں نے جوبائیڈن تے اوہناں دے حواریاں دے جعلی بیاناں دا بھانڈا بھن دتا اے۔ ٹرمپ اپنی کاہل تے عادت توں مجبور نیں کہ کسے لگی لپٹی دے بناں جو کہنا ہووے کہہ جاندے نیں۔ اوہناں دا کہنا اے کہ امریکہ تے نیٹو فوجاں نے افغانستان چوں انخلاء نہیں کیتا سگوں ہتھیار سُٹے نیں۔ ٹرمپ نے ایہنوں امریکہ دی سب توں وڈی فوجی شکست قرار دتا اے۔ اپنی شرمناک شکست دی شرمندگی توں بچن لئی امریکہ کئی بہانے ہن تک پیش کردا رہیا اے تے ہار نوں فتح دا رنگ دیندا رہیا اے پر دنیا انھی تے پاگل تے نہیں تسیں ٹرمپ نوں پاگل کہندے سی تے پاگل نے شیکسپیئر وانگوں مذاق ای مذاق وچ سچ اگل دتا۔ انج میں ٹرمپ دی سچائی دا شروع دن توں ای قائل آں۔ تہانوں یاد اے کہ کسے نے ٹرمپ توں پچھیا سی کہ تسیں اپنے وڈے وڈے قرضے کتھوں ادا کرو گے؟ ٹرمپ نے فوراً کہیا ایہ خلیجی ریاستاں کس واسطے نیں امریکہ دے قرضے ایہ ادا کرن گئیاں:
ٹوٹا ہے دل کا آئینہ اپنی نگاہ سے
اب کیا شکست ذات کے اسباب دیکھنا
ساڈے لئی اک خوشی دا پہلو ضرور نکلیا اے پر اسیں ایہنوں چھپان دی کوشش کرنے آں۔ سچی گل اے اسیں تے بھارت دی کیفیت تے ایس کیفیت دے اظہار دا مزہ لے رہے آں کہ بھارت دے سارے منصوبیاں تے جیویں پانی پھر گیا اے۔ واقعی اوہدے درو دوار تے اک اداسی وال کھولے بیٹھی اے۔ مودی سرکار دی زبان لڑکھڑاندی اے تے اوہناں دے الفاظ بے معنی تے بے وقعت نظر آئوندے نیں۔ اپنی حالت زار نوں چھپان دا جتن کردے نیں۔ قاسمی صاحب یاد آ گئے:
اپنی آواز کی لرزش پہ تو قابو پا لو
پیار کے بول تو ہونٹوں سے نکل جاتے ہیں
اپنے تیور بھی سنبھالو کہ کوئی یہ نہ کہے
دل بدلتے ہیں تو چہرے بھی بدل جاتے ہیں
پاکستان خلاف بھارت نے کیہ کیہ سوچ رکھیا سی تے کیویں کیویں دے خاکے بنا رکھے سن کہ جہناں وچ رنگ بھرنے سن۔ کیسے کیسے تعمیری کم امریکہ دے کہن تے ہو رہے سن تے ہو چکے سن اوہناں دے ای ترجمان کہہ رہے سن کہ کسے تھاں اوہناں نے پورے سو کروڑ ڈالر خرچ کیتے۔ اصل وچ مودی نوں پکا یقین سی کہ امریکہ بہادر اوہنوں افغانستان دے سفید سیاہ وچ شریک کر چکیا اے۔ حالات وی ایہو دسدے سن کہ سب کجھ مودی دے کنٹرول وچ آ جاوے گا۔ ان گنت قونصل خانے تے سازشی مرکز جتھوں صرف پاکستان ٹارگٹ سی۔ اوہ سارا کم کاج جو افغانستان وچ بھارت نے کروایا طالبان لئی ای قدرت دا بندوبست تے فیر بھارت:
الجھا ہے پانوں یار کا زلف دراز میں
خود آپ اپنے دام میں صیاد آ گیا
ہن صورتحال بڑی دلچسپی ول جا رہی اے کہ بھارت نوں مقبوضہ کشمیر دی پے گئی اے۔ ہن حکمت یار دے سجرے بیان نے وی بھارت دے کن کھڑے کر دتے نیں کہ بھارت اپنے کم نال کم رکھے تے افغانستان دے حوالے نال پراپیگنڈا بند کرے۔ اصل وچ بھارت تے اوہدی پشت پناہی کرن والے پریشان نیں کہ طالبان پہلے توں ای جواب دعویٰ تیار کرکے بیٹھے نیں یعنی اوہناں دے مطالبے کہ جہناں تے بہانہ جوئی کیتی جا سکدی اے دا جواب عمل نال دے رہے نیں اوہناں نے سکول تے کالج کھولن دی اجازت دے دتی اے اوہ موجودہ سیٹ اپ کہ جہدے وچ نرساں تے دوجے لوک مثلاً اینکر وغیرہ شامل نیں جاری رکھن تے واضح کہہ چکے نیں۔ طالبان دنیا دی توقع توں ودھ بدل چکے نیں کہ اوہ دوجی دنیا دے نال رَل کے چلنا چاہندے نیں تے ایہ لچک اپنے آپ نوں دنیا دے نال جوڑن دی چنگی کوشش اے۔ اوہناں نے نویں تقاضیاں نوں سمجھ لیا اے۔ 20 ورھیاں وچ اوہناں نے یقینا سوچ وچار کیتی اے تے اپنیاں غلطیاں دا جائزہ لیا اے۔ میں بھارت دا اک پروگرام سن رہیا سی کہ جہدے وچ گل کرن والے نے اپنے اینکر نوں جواب دیندے ہوئے آکھیا کہ بھارت اپنے گھر دے حالات دا جائزہ لوے جتھے مسلمان بچی نوں باقاعدہ اگ لا کے ساڑ دتا گیا۔ اوہ بھارت جو مقبوضہ کشمیر وچ ظلم دے پہاڑ توڑ رہیا اے۔ لوکاں دے چہریاں نوں پیلٹ گناں نال چھلنی کر رہیا اے۔ اوہنوں افغانستان دا غم کھائی جا رہیا اے تے اوہنوں اوہناں طالبان بارے پریشانی اے کہ اوہ اگلا پرانا رویہ رکھن گے۔ بھارت نوں ہور وی کئی مسئلیاں دا سامنا اے اوہ ایس محرومی تے تلملا رہیا سی یقینا ہندو نوں مسلمان تے کئی قسم دا غصہ اے۔ اک تے ایہو گھٹ نہیں کہ جس ماتا دی اوہ پوجا کردے نیں مسلمان اوہنوں کھا جاندے نیں۔ اک خاتون نے تے ایس حوالے نال گل بات کردے ہوئے اپنے ای دھرم تے عجیب جہیاں گلاں شروع کر دتیاں کہ اوہناں دا دھرم کیہ اے جتھے رمائن وچ دسیا جاندا اے کہ مچھیاں چوں بچے پیدا ہوندے نیں عورتاں چوں نہیں وغیرہ وغیرہ۔ ہندوئوا ںدا جھوٹھ ہر تھاں واضح ہو رہیا اے اوہناں دا تعصب تے نفرت چھپائے نہیں چھپدی اوہناں دے اپنے ای دانشور اوہناں دا پول کھول رہے سن کہ اوہناں دی سپریم کورٹ نے بابری مسجد دے حوالے نال کناں گھٹیا تے جھوٹ تے مبنی فیصلہ دتا سی تے ہن ایہ ثابت ہون جا رہیا اے سگوں ہو چکیا اے کہ اوہدے تھلیوں کوئی رام مندر نہیں نکلیا سگوں تھلے ریت تے فیر پانی اے ہن اوہناں نے اوہ علاقہ سرکل کر لیا اے۔ مودی طالبان نال رابطے دی کوشش کر رہیا اے۔ مکار ہندو اپنے مقصد لئی کسے نوں وی باپ کہہ سکدا اے اک شعر نال اجازت:
عمر گزری ہے دربدر اپنی
ہم ہلے تھے ذرا ٹھکانے سے