6ستمبر ۔۔۔۔تجدید عہد دا دن

یوم دفاع پاکستان، ہمت، جرات، شجاعت نال بھرپور دن
6ستمبر 1965 عسکری اعتبار نال تاریخ عالم وچ کدی نہ بھُلن والا قابل فخر دن اے

پروفیسر حکیم سید عمران فیاض

پلٹنا جھپٹنا جھپٹ کر پلٹنا
لہو گرم رکھنے کا ھے اِک بہانہ
یومِ دفاع ہر سال 6 ستمبر نوں پاکستان وچ بطور اک قومی دن منایا جاندا اے۔ ایہہ دن پاک بھارت جنگ 1965 وچ افواج دی دفاعی کارکردگی تے قربانیاں دی یاد وچ منایا جاندا اے ۔
وطن کی خاک سے مر کر بھی ہم کو انس باقی ہے
مزا دامان مادر کا ہے اس مٹی کے دامن میں
ایس عظیم دن دا مقصد پاکستان دے دفاع تے عسکری طاقت نوں مضبوط کرن دی یاد دہانی اے تاکہ ہر آن والے دن وچ کسے وی حملے توں بطریق احسن نمٹیا جا سکے۔
ایس دن سکول کالجز تے جامعات دے علاوہ سرکاری دفتراں وچ 6 ستمبر 1965 دی پاک بھارت جنگ دے شہدا تے غازیاں نوں خراج تحسین پیش کیتا جاندا اے تے بھارت دے ایس حملے دی پسپائی دا تذکرہ کیتا جاندا اے جس وچ ایہنوں شکست دا ساہمنا کرنا پیا سی۔
ہم اہل قفس تنہا بھی نہیں ہر روز نسیم صبح وطن
یادوں سے معطر آتی ہے ،اشکوں سے منور جاتی ہے
ہر پاکستانی اپنی فوج دے دفاع اُتے فخر کردا اے تے یقین رکھدا اے کہ انشاء اللہ پاک فوج ہر محاذ اُتے سرخرو اے۔
6ستمبر 1965ء دا دن عسکری اعتبار نال تاریخ عالم وچ کدی نہ بھُلن والا قابل فخر دن اے جدوں کئی گنا وڈے ملک نے افرادی تعداد وچ کئی گنا زیادہ لشکر تے دفاعی وسائل دے نال اپنے نکے جہے گوانڈھی ملک اُتے کسے اعلان دے بغیر رات دے ہنیرے وچ فوجی حملہ کر دتا۔ ایس نکے پر غیور تے متحد ملک نے اپنے دشمن دے جنگی حملے دا ایس پامردی تے جانثاری نال مقابلہ کیتا کہ دشمن دے سارے عزائم مٹی وچ مل گئے۔ بین الاقوامی سطح اُتے وی ایہنوں شرمندگی چکنی پئی۔ جارحیت کرن والا اوہ وڈا ملک ہندوستان تے غیور متحد نکا ملک پاکستا ن اے۔
سرفروشی کی تمنا اب ہمارے دل میں ہے
دیکھنا ہے زور کتنا بازوئے قاتل میں ہے
6 ستمبر 1965 دی جنگ وچ پاک فوج نے ملک دی سرحداں دا باوقار انداز وچ دفاع کیتا تے پوری دنیا اُتے ثابت کر دتا کہ پاکستانی زندہ قوم نیں۔ وطن عزیز لئی مر مٹنا جان دے نیں تے آزادی دی حفاظت کرنا جان دے نیں۔
6ستمبر 1965 نوں جدوں بھارتی فوج نے برکی سیکٹر تے دوجے محاذ کھولے تے ایس دے وہم و گمان وچ وی نہیں سی ایہنوں عبرت ناک شکست دا ساہمنا کرنا پئے گا۔
وطن کی پاسبانی جان و ایماں سے بھی افضل ہے
میں اپنے ملک کی خاطر کفن بھی ساتھ رکھتا ہوں
پاکستان دے خلاف بھارتی جارحیت اک وڈی غلطی سی جس دا ایہناں نوں خمیازہ بھگتنا پیا۔ بھارتی قیادت دے پاکستانی فوج تے قوم دے بارے وچ سارے اندازے غلط نکلے۔ پاک فوج دے جواناں نے لازوال بہادری وکھاندے ہوئے چونڈہ توں کھیم کرن تیکر لازوال داستاناں رقم کیتیاں۔
دل سے نکلے گی نہ مر کر بھی وطن کی الفت
میری مٹی سے بھی خوشبوئے وفا آئے گی
ساڈی بہادر فوج دے سوہنی دی دھرتی گجرات دے سپوت میجر راجہ عزیز بھٹی شہید نشان حیدر تے ایہناں جانثار ساتھیاں دی عظیم شجاعت و بہادری دی بدولت دشمناں دے عزائم مٹی وچ ملا دتے تے ایہناں نوں اپنی جاناں دانذرانہ دے کے شکست فاش دتی۔
ہے محبت اس وطن سے اپنی مٹی سے ہمیں
اس لیے اپنا کریں گے جان و تن قربان ہم
ساڈی بہادر فوج دے نال بھارتی جارحیت دے خلاف ساری قوم تے محنت کش طبقہ سیسہ پلائی دیوار بن گیا۔ سیالکوٹ محاذ اُتے انفنٹری ڈویژن نے شکست خوردہ بھارت دے آرمڈ ڈویژن، اک آرمڈ بریگیڈیئر دے چونڈہ دے مقام اُتے پندرہ حملے ناکام بنا دتے تے گھمسان دا اجیہا رن پیا کہ حواس باختہ دشمن نوں نسن دے سوا کجھ نہ سمجھ آیا۔
اج فیر پوری قوم یک جان ہو کے یوم دفاع منا رہی اے۔ قوم 65 دی پاک بھارت جنگ دے شہیداں نوں نہیں بھُلی۔ جنگ وچ حصہ لین والے ہر جوان نوں قوم سلام کہندی اے۔
کہاں ہیں آج وہ شمع وطن کے پروانے
بنے ہیں آج حقیقت انہیں کے افسانے
1965ء دی ہندوستان تے پاکستان دے وچکار ہون والی ایس جنگ وچ ثابت ہویا کہ جنگاں ریاستی عوام تے فوج متحد ہو کے ای لڑدی تے جت سکدی اے۔ پاکستانی قوم نے اپنے ملک نال محبت تے مسلح فوج دی پیشہ وارانہ مہارت تے جانثاری دے جرات مندانہ جذبے نے مل کے ناممکن نوں ممکن بنا کے وکھایا۔
دل سے نکلے گی نہ مر کر بھی وطن کی الفت
میری مٹی سے بھی خوشبوئے وفا آئے گی
پاکستان اُتے 1965 وچ ہندوستان ولوں جنگ دا تھوپیا جانا پاکستانی قوم دے ریاستی نصب العین دو قومی نظریہ، قومی اتحاد تے حب الوطنی نوں بوہت وڈا چیلنج سی۔ جنہوں جری قوم نے کمال وقار تے بے مثال جذبہ حریت نال قبول کیتا تے لازوال قربانیاں دی مثال پیش کر کے زندہ قوم ہون دا ثبوت دتا ۔ دوران جنگ ہر پاکستانی نوں اک ای فکر سی کہ اسیں دشمن دا ساہمنا کرنا تے کامیابی پای ااے۔ جنگ دے دوران نہ تے جواناں دیاں نظراں دشمن دی نفری تے عسکریت طاقت اُتے سی تے نہ پاکستانی عوام دا دشمن نوں شکست دین دے سوا کوئی ہور مقصد سی۔ سارے پاکستانی میدان جنگ وچ وڑ گئے اساتذہ، طلبہ، شاعر، ادیب، فنکار، گلوکار ، ڈاکٹرز، سول ڈیفنس دے رضا کار، مزدور، کسان تے ذرائع ابلاغ سب دی اک ای دھن تے اواز سی کہ ’’ اے مرد مجاہد جاگ ذرا اب وقت شہادت ہے آیا‘‘ستمبر 1965ء دی جنگ دا ہمہ پہلو جائزہ لین نال اک حقیقی تے گہری خوشی محسوس ہوندی اے کہ وسائل نہ ہون دے باوجود اینے وڈے تے ہر لحاظ نال مضبوط ہندوستان دے مقابلے وچ نکے سارے پاکستان نے اوہ کیہڑا عنصر تے جذبہ سی جس نے پوری قوم نوں اک سیسہ پلائی ہوئی ناقابل عبور دیوار وچ بدل دتا سی۔
نہیں تیرا نشیمن قصرِسلطانی کے گنبد پر
تو شاھین ھے بسیرا کر پہاڑوں کی چٹانوں میں