6 ستمبر 1965دے شہیداں نوں سلا م

جنگ اوہدوں ہی جتی جا سکدی جدوں ہتھیاراں دے نال قوم دے جذبے وی زندہ ہون

محمد افضل

طاہر6ستمبر1965دی صبح بھارت نے اچانک پاکستان تے حملہ کردتا بھارت دا ارادا سی کہ او صبح دا ناشتہ لاہور وچ کرے گا پر اوہنوں نہیں سی پتہ کہ انڈیا نوں ذلیل ہونا پوے گا مسلماناں دے ہتھوں بار بار ذلیل ہون توں بعد وی ہندو قوم نوں مت نہیں آئی کہ جس قوم نال اسی پنگا لین جا رہے آں او کٹ مر تے سکدے نیں پر ہار نہیں من سکدے تے نہ ای او جھک سکدے نیں جدوں مسلمان باطل دے مقابلے وچ آجاندا اے فیر اللہ پاک اوہنوں اپنی غیبی مدد وی عطا کردا اے ایس جنگ وچ جو کردار پاک فوج نے ادا کیتا سی اوہدی مثال پوری دنیا تے لبن نال وی نہیں لبدی پر ایس جنگ وچ اسی پاکستانی عوام دے کردار نوں وی نہیں بھل سکدے کیوں کہ جنگ اوہدوں ہی جتی جا سکدی جدوں ہتھیاراں دے نال قوم دے جذبے وی زندہ ہون تے پاکستانی قوم دے جذبے دشمن دے خلاف جنگ وچ ہمیشہ ای بلند تے بیدار ہوندے نیں ۔
1965دی جنگ وچ پاکستان دے شہر سرگودھا دے واسیاں نیں اک بہت سوہنی مثال قائم کیتی سرگودھا ائیر بیس دا اک کمانڈر اپنے بیان وچ کہندا اے کہ جنگ دے دناں وچ ائیر بیس دی حفاظت لئ اضافی فوج بلائی گئی تے سانوں اوہناں لئی منجی بستریاں دی لوڑ پے گئی تے سانوں مجبوری مسجد وچ اعلان کرنا پیا کے فوج واسطے منجی بستتریاں دی ضرورت اے اعلان توں بعد کمانڈر دا کہنا سی کہ مینوں لگا کہ ایس پنڈ وچوں مشکل نال چند ایک دو بستے لبن گے پر او کہندا اے کی میں حیران رہ گیا جدوں میں ویکھیا کہ چند منٹاں وچ ای سینکڑاں دے حساب نال منجیاں تے بسترے اکھٹے ہو گئے حیرانگی والی گل اے سی کہ او سارے بسترے بلکل نویں سن تے لوکاں فوج نوں آکھیا کہ اے بسترے وی رکھو تے ساڈے جوان پتر وی آپنے توں اگے رکھو پہلاں گولیاں ایناں نوں لگن تاں کہ تسیں بچ جاو کمانڈر دا کہنا سی کہ عوام وچ ایناں جذبہ ویکھ کہ مینوں یقین ہو گیا کہ دشمن ساڈہ کجھ نہیں وگاڑ سکدا جنگ دے دناں وچ لاہور شہر وچ ایک منگن والا لوکاں کولوں پیسے منگدا تے جے کوئی کھان پین والی چیز دیندا تے کہندا باو جی کھانا رہن دیو مینوں پیسے دے دیو جدوں او سارہ دن منگن توں بعد شام نوں فوج دے کیمپ کول جاندا تے سارے دن دے پیسے اکھٹے کیتے ہوے فوج دے امدادی گلے وچ پاء دیندا تے واپس آ کے ایک جگہ تے بیٹھ کے سکھی روٹی پانی نال کھا لیندا ایک دن ایک صحافی نے نے اونو پچھیا کہ توں اینج کیوں کرنا اے تے منگن والے نے کیا باو جی ایس ویلے فوج نوں ساڈے ملک نوں پیسیاں دی چوکھی لوڑ اے جے ساڈہ ملک سلامت رہوے گا تے روٹی سانوں لبھدی رہوے گی ساڈہ سب کجھ ساڈے ملک پاکستان نال ای قائم اے منگن والے دے ایس عمل توں پتہ لگدا سی کہ ہاکستانی عوام وچ کینا جذبہ اے ملک واسطے جنگ دے دوران جدوں فوجیاں لئی خون دی لوڑ پئی تے بلڈ بنک دے اگے نوجواناں دی لین لگ گی اوناں وچ ایک پتلا تے کمزور جوان وی سی جدوں اوہدی واری آئی تے اوہدا وزن کھٹ نکلیا تے اوہدا خون نہ لیا گیا کہ او کمزور سی جدوں او باہر آیا تے او بڑا مایوس ہویا کہ میرا خون میری ملک لئی کم نہیں آیا تے اوہنے آپنے کپڑیاں وچ ایک بوٹ لکا لیا اہنے آہ نوں موٹا وکھان لئی تے فیر لین وچ لگ گیا تے ایس وار اوہدا وزن پورا نکلیا تے رش ہون ہاروں کوئی اوہنوں پچھان وی نہیں سکیا تے اوہدا وی خون لے لیا گیا ۔
جدوں او خون دے کہ باہر آیا تے اوہنے آکھیا کہ ہن میں مر وی جاواں تے کوئی پرواہ نہیں چونڈہ سیالکوٹ دا محاذ اے جتھے دوسری جنگ عظیم توں بعد ٹینکاں دی سب توں وڈی لڑائی ہوئی چونڈے ول جاندے فوجیاں نوں راہ وچ دو معصوم بچیاں روک کے گنے تے مرغی دتی تے کیا کہ ساڈے کول بس اے ای اے جے کجھ ہو ہوندا تے اسی او وی دے دیندے فوجیاں نے بچیاں دے جزبے نوں ویکھ کے تے بچیاں اہنیاں باہنوں وچ چک لیا تے آکھیا کہ بچیو ساڈے لئی دعا کریو کہ اسی دشمن نوں مار کہ تے آپنے ملک دی حفاظت کرن وچ کامیاب ہو جایےآج دے دوروچ اے سارے واقعات سن کے تے اکھاں وچوں اتھرو آجاندے نیں ہر ہن بڑے افسوس والی گل اے کہ ساڈی ہاکسرانی قوم وچ ہن او والے جذبے نییں رہے ہن ہر بندے نوں آپنی آپنی پئی اے ہن او جذبے ختم ہو گئے نیں ۔
ہن تے انسان صرف سوشل میڈیا جوگا رہ گیا اے جنگ کرن جوگا نہیں اللہ پاک ساڈے اندر فیر او والے جذبے پیدا کرے تے سانوں اپنے ملک پاکستان دی قدر کرن دی توفیق دے اسیں،6ستمبر دے شہیداں نوں سلام پیش کرنے ہاں جناں آپنی جان قربان کر کے ساڈے آن والے کل نوں روشن کیتا پاکستان زندہ آباد پاک فوج زندہ آباد۔۔