پیر محمد اعظم فائونڈیشن…… دُکھاں دے ماریاں لئی مدد

پیر محمد اعظم ہوراں نال میرا روحانی تعلق 2004 دے کراچی قیام دے دوران ہویا، انہاں دے کشف تے فیضانِ نظر توں دل دی دنیا روشن ہوئی شعور و آگہی تے وجدان نے عرفانِ ذات توں عرفان الہی دی منازل آسان ہون لگ گیاں انہاں دے فیوض و برکات توں مستفیض ہو کے دل وچ انہاں توں روحانی تعلق دے دوام دی تڑپ پیدا ہوئی میری طلبِ صادق ویکھ کے انہاں نے کمال شفقت توں دس سال پہلے باقاعدہ بیعت فرما لیا پیر صاحب دا تعلق بہل ضلع بھکر نال اے ۔ خدمتِ انسانیت تے کاربند نیں کئی سالاں توں اپنی روحانی ذمہ داری دے نال نال ذاتی طور تے فلاحی و سماجی سرگرمیاں جاری رکھی ہویاں نیں ۔بندہ ناچیز عمر رسول مہوٹہ مختلف مریدین تے عقیدتمنداں نے خواہش دا اظہار کیتا کہ انہاں دے نام توں باقاعدہ اک روحانی و فلاحی فائونڈیشن قائم کیتی جائے جس توں خدمتِ انسانیت دے اس مشن نوں وسیع پیمانے تے پھیلایا جائے اس فائونڈیشن دے قیام دے معاو نین چوہدری عمر رسول مہوٹہ،پیر عامر رامِش،شاہد علوی،پیر آصف شہزاد،چوہدری انعام الحق،سید علی زین نقوی،حاجی سرفراز احمد،میاں تنویر اقبال،وسیم اکرم،جواد جٹ،حاجی شہباز تے چوھدری اصغر نیں۔ 9 نومبر 2018 نوں اس فائونڈیشن نوں پیر محمد اعظم دے ناں تے قائم کیتا گیا۔پیر صاحب دے روحانی وظائف ، تصوف تے طریقت دے بیانات نوں راقم جمع کر رہیا اے جنہاں نوں پیر صاحب دی سوانح عمری نوں راقم عنقریب شائع کروان دا شرف حاصل کرے گا ۔فائونڈیشن دے پلیٹ فارم توں گذشتہ پنچ سال توں عیدین دے مواقع تے مستحق افراد اچ عید راشن پیک سینکڑاں دی تعداد اچ تقسیم کیتے جا رہے نیں اس دے علاوہ سفید پوش مستحق افراد اچ نقد مالی امداد دا اہتمام وی کیتا جاندا اے۔ کرونا دے دوران گوجرانوالہ،کالا
باغ،بوریوالہ بھکر ،بہل لیہ،فتح پور تے چوک اعظم دے مختلف دیہاتی علاقیاں وچ لکھاں روپے دی نقد رقم نال غربا دی عزتِ نفس مجروح کیتے بغیر امداد کیتی گئی اس وقت وی فائونڈیشن گوجرانوالہ،خانیوال بھکر لیہ وچ اپنی فلاحی سر گرمیاں جاری رکھی ہوئی اے۔ اس سال رمضان دے موقع تے ضلع بھکر دے شہر بہل وچ سو توں زائد خانداناں وچ راشن پیک تے نقد امداد دتی گئی تے مخدوم پور پہوڑاں وچ پنجابی ادبی تنظیم ”پنجابی ادبی ستھ ”دے نال مل کے بہت سارے خانداناں وچ عید دی مناسبت نال راشن تقسیم کیتا گیا فائونڈیشن دی معاونت وچ کسے وی پنجابی ادبی تنظیم دی طرفوں ضلع خانیوال وچ ایہہ پہلی امدادی سرگرمی سی اس توں پہلے ماں بولی دیہاڑ دے موقع تے پیر اعظم صاحب دی طرفوں پنجابی ادبی ستھ نے خانیوال وچ شاندار پنجابی ادبی محافل منعقد کیتیاں پیر صاحب دے چھوٹے بھائی پیر رامِش ضلع بھکر میانوالی تے لیہ دے معروف پنجابی اردو شاعر لکھاری ادبی شخصیت تے فائونڈیشن دی معاونت وچ ہمہ وقت سر گرمِ عمل نیںانشااللہ پیر اعظم صاحب دی سر پرستی وچ پیر اعظم فانڈیشن تے پنجابی ادبی ستھ اپنی بلاتفریق سماجی و فلاحی سرگرمیاں جاری رکھے گی سارے بھائیاں نوں اپیل اے کہ انسانیت دی مدد دے اس عظیم مشن وچ ساڈا ساتھ دین ۔