پروفیسر ارشد بخاری ، سعدیہ ارشد بخاری

انساینت دی خدمت تے لکھاری دے دنیا دی نامور جوڑی

محمد افضل طاہر وزیرآبادی

انسان نوں اللہ پاک نے بے شمار صلاحیتاں نال نوازیا اے ہر انسان وچ کوئی نہ کوئی talentضرور ہوندا اے جیڑا انسان تے اپنے اندر دے ہنر نوں جان لیندا اے تے اوہنوں چنگے طریقے نال ورتدا اے تے او انسان کامیاب ہو جاندا اے شاعری اک ایسا سوہنا ہنر اے جیڑا ہر انسان نوں نہیں ملدا میں سمجھنا کہ چنگی شاعری او بھانویں کسے وی زبان وچ ہووے او اللہ پاک دی اک خاص عطا تے اوہدی مہربانی اے۔ اے ضروری نہیں کہ ہر پڑھاکو بندا شاعری کر سکدا اے پر جدوں کوئی صاحب علم بندا شاعری کردا اے تےفیر اوہدی شاعری عام شاعری نالوں ذرا نویکلی ہوندی اے اک شاعر جدوں لفظاں نوں سوہنے طریقے نال اپنی شاعری وچ ورتدا اے تے فیر لفظاں دا مل ہور ودھ جاندا اے تے اک صاحب علم بندا شاعری وچ لفظاں نوں سوہنے طریقے نال ورت سکدا اےاو انسان چوکھا خوش قسمت ہوندا اے جدا جیون ساتھی اوہدا ہم خیال ہووے جیکر تہانوں تہاڈی زندگی دا ساتھی جدے نال تساں پوری حیاتی لنگانی اے او تہاڈا ہم خیال ہووے تہاڈا ذہن اوہدے نال ملدا ہووے تے فیر تسیں اک کامیاب زندگی لنگاہ سکدے بندہ ڈاکٹر اے تے بیوی وی ڈاکٹر اے اینج عام ہوندا اے بندہ پروفیسر اے تے بیوی وی پروفیسر اے اینج وی عام ہوندا اے پر بندہ اک چنگا شاعر تے بیوی وی اوڈی ای چنگی شاعرہ اے اینج بہت گھٹ ہوندا اے۔میں سمجھناں کہ ساڈہ شہر وزیرآباد ایس گلوں خوش قسمت اے کہ میں جس سوہنے جوڑے دا ذکر کرن جا ریاں اوہدہ تعلق وزیرآباد نال اے تے اے دونیوں میاں بیوی اک بہت ہی چنگے شاعر نیں وزیرآباد دی مہان شحصیت جناب پروفیسر ارشد بخاری تے اوہناں دی بیگم محترمہ سعدیہ ارشد بخاری اک چنگے تے سوہنے شاعر تے ہے ای نیں نال او اک کالم نگار مصنف تے سوشل ورکر وی نیں پروفیسر ارشد بخاری صاحب پوسٹ گریجویٹ کالج وچ پروفیسر نیں تے اوہناں دی بیگم محترمہ سعدیہ ارشد بخاری نیٹیو سکول تے پیرس کالج دی پرنسپل نیں جتھے ایہ جوڑا شعبہ تعلیم وچ انسانیت دی خدمت کر ریا اے اوتھے ای ایس جوڑے نیں شاعری دے شعبے وچ اپنا اک مقام پیدا کیتا ۔ ایناں دی شاعری نوں پڑھ کے یا سن کےکوئی وی بندا داد دتے بغیر نہیں رہ سکدا کیوں کہ ایناں دی شاعری عام شاعری نالوں نویکلی تے سمجھ وچ آن والی شاعری اے کوئی عام بندا شاعری کردا اے تے اودی شاعری تے جدوں کوئی پڑھیا لکھیاء بندا شاعری کردا اے تے دونواں دی شاعری وچ بڑا فرق ہوندا اے اک گریجویٹ بندے نوں جو پہچان لفظاں دی ہوندی اے کہ کیڑا لفظ کتھے استعمال کرنا اے تے کس طرح کرنا اے او عام انسان نہیں کر سکدا جس طرح میں پہلے ذکر کیتا اے کہ جناب ارشد بخاری صاحب تے اوہناں دی بیگم اک پروفیسر وی نیں تے شعبہ تعلیم نال منسلک وی نیں ایس لئی او شاعری نوں چوکھے چنگے ڈھنگ نال کر سکدے نیں تے اوہناں نیں چنگے ڈھنگ نال کیتی وی اے ارشد بخاری تے اوہناں دی بیگم نے محتلف زباناں وچ شاعری کیتی جدے وچ انگلش اردو تے پنجابی زباناں شامل نیں ارشد بخاری ہوراں دیاں انگریزی وچ کتاباں وی چھپیاں ایس توں علاوہ جیڑی سب توں ضروری گل او اے کہ ایس میاں بیوی دے سانجھے پنج اردو شاعری دے مجموعے وی چھپ چکے نیں جدے وچ :ساتھ: بندھن: گردش دوراں: آئینےکے سامنے: تے سنگم شامل نیں پہلیاں چار کتاباں منظر عام تے آ چکیاں نیں تے سنگم چھپ رہی اے تے بہت جلد منظر عام تے آجاے گی بہت گھٹ اے ویکھن وچ آندا اے کہ کسے میاں بیوی نیں اکھٹی شاعری کیتی ہووے تے فیر کتاباں وی چھپیاں ہوون پر وزیرآباد دے ایس جوڑے نیں اردو شاعری دیاں پنج کتاباں سانجھیاں چھاپ کے اپنا تے وزیرآباد دا ناں اچا کیتا اے ایدے وچ کوئی شک نہیں کہ وزیرآباد توں باہر جیڑا وی ایناں دی شاعری نوں پڑھدا ہووے گا او ایہو ای کہوے گا کہ ایہ شاعر جوڑا وزیرآباد دا اے تے میرا وزیرآبادی ہون دے ناطے پروفیسر ارشد بخاری تے اوہناں دی بیگم اتے فخر اے کہ او اک پڑھے لکھے لائق تے سینئر شاعر نیں جناں شاعری وچ اپنے آپ نوں منوایا اے پروفیسر ارشد بخاری صاحب جتھے اینیاں خوبیاں دے مالک نیں اوتھے او اک بہت ہی چنگے پروگرام ہوسٹ وی نیں تے لوکی اوہناں کولوں اپنا پروگرام ہوسٹ کروان تے اپنا فخر سمجھدے نیں ایس مہان جوڑے دی شاعری نوں پڑھ کے لگدا اے کہ جیویں ایناں نے روح دے نال شاعری کیتی ہووے ہن ایتھے ارشد بخاری ہوراں دے اردو شاعری دے دو شعر ویکھو کہندے نیںعنایتوں کا سلسلہ نوازشوں کا سلسلہخدا کرے بڑھا چلے یہ چاہتوں کا سلسلہوہ چاہتوں کی چاشنی وہ راحتوں کی راگنیکہاں گئی وہ دل لگی وہ رتجگوں کا سلسلہدلوں کا میل ہو گیا تو ختم ارشد ہوگیابغاوتوں کا سلسلہ عداوتوں کا سلسلہارشد بخاری صاحب ہر موضوع تے شاعری کرن دا فن وی رکھدے نیں ایناں دی شاعری نوں پڑھ کے تسیں ایناں نوں استاد شاعر وی کہ سکدے او بلکہ کہ کی سکدے او بلاشعبہ اک استاد شاعر ای نیں پروفیسر ارشد بخاری صاحب تے اوہناں دی بیگم سعدیہ ارشد ہوراں نوں اردو شاعری وچ کئی ایورڈز وی لبھے نیں ایس توں علاوہ ایناں دونواں میاں بیوی نے پنجابی زبان وچ وی بہت اعلی شاعری کیتی۔
جدے وچ دو دو شعر دونواں دے خاضر خدمت نیں ارشد بخاری صاب لکھدے نہیں کہ کیسے کیسے رنگ وکھاے لوکاں نیںجگ تے کی کی کرم کماے لوکاں نیںدرداں والی بند پٹاری کھلی نئیںعمراں دے کئی سال چرائے لوکاں نئیںارشد نوں تے دل دا سائیں لبھا نئیںخورے کیڑے گر آزمائے لوکاں نئیںتے ایتھے دو شعر محترمہ سعدیہ ارشد بخاری ہوراں دے ویکھو لکھدیاں نیں کہون سونے رولے نیں فنکاری دےکیسے کیسے روپ نیں دنیاداری دےعشق دی منڈی پیار خریدن آے ساںدھوکھے ڈھٹے ہر پاسے مکاری دےسعدیہ دل دی تکڑی سب نوں تول لویںلکھاں وعوے دار نیں ایتھے یاری دےہن تسیں ایناں دی شاعری توں اندازا لا سکدے او کہ دونویں میاں بیوی کنے اعلی شاعر نیں تے میں دعا کردا ہاں کہ اللہ پاک ایناں نوں سدا سلامت رکھے ایسے طرح ادب دی تے انسانیت دی خدمت کردے رہن کیونکہ اے میاں بیوی اک چنگے شاعر ہون دے نال نال انسانیت دی خدمت نوں اپنا فرض سمجھدے نیں اللہ کریم ایناں نوں مزید توفیق عطا فرماے تے ایناں دے علم عمل تے رزق وچ برکت تے اپنی رحمت فرماے آمین !