معروف شاعر یزدانی جالندھری نال مکالمہ

ہر قدم اک امتحان اے زندگی، ایس امتحان دے نتیجے تک احساس نکامی کیہ معنی؟ ساڈا امتحان اجے ختم نہیں ہویا

محمد آصف بھلی

س: واہ کیہ سوہنا شعر اے؟
ج: تم مرے پاس ہوتے ہو گویا… جب کوئی دوسرا نہیں ہوتا
س: ایس توں چنگی کتاب میں اج تک نہیں پڑھی؟
ج: قرآن پاک…الکتاب
س: میر‘ غالب تے اقبال کنوں وڈا شاعر تسلیم کردے او؟
ج: ہر پھل دا رنگ تے خشبو وکھری اے۔ میرے نزدیک میرے غالب تے اقبال تنوں اپنے اپنے دور دے سب توں وڈے تے نمائندہ شاعر سن۔
س: کس طرحاں دے لوکاں نال محبت اے؟
ج: جہڑے نہیں جاندے ریاکاری کیہ اے۔
س: رشتہ جہدے اتے تہاڈی جان وی قربان؟
ج: ماں
س‘ میرے دشمن دی خوبی جہڑی مینوں پسند اے؟
ج: کرتا ہے میرے عیب و ہنر مجھ پہ آشکار…مجھ کو مرے عدو کی ہے بس اک ادا پسند
س: زندگی دا سب توں ودھ کے خوشگوار لمحہ؟
ج: جدوں میں زندگی وچ پہلا شعر کہیا۔
س: کوئی ایسی شخصیت جہدی مجلس وچ بیٹھنا تہاڈے لئی سعادت ہووے؟
ج: استاد…جہناں کولوں سکھیا زندگی کرن دا فن
س: دن یا رات دا کوئی پہر جہدے وچ تسیں سب توں ودھ راحت محسوس کردے او؟
ج: ستمبر تے اکتوبر دی شب مہتاب دا دوجا پہر۔
س: درخت یا پودا جہڑی زمین دا سنگھار لگدا ہووے؟
ج: ام دا درخت‘گھنا خنک سایہ تے پھل وی شہد و انگبیں دے گلاس
س‘ کھیڈ جہنوں ویکھ کے تہاڈے لہو دی گردش تیز ہو جاندی ہووے؟
ج: زندگی بجائے خود اک کھیڈ اے‘ جہدے ہر لمحہ بدلدے رنگ تے ہر آن بدلدی کروٹ اتے لہو دی گردش تیز ہو جاندی اے۔ کرکٹ وی اک ایسا ای کھیڈ جہدے وچ صورتحال ہر لمحہ غیر یقینی انداز وچ بدلدی اے۔
س: میرا پسندیدہ پیشہ صحافت سی‘ جہنوں اپنایا وی تے حسرت کیسی۔ ہن تے ایہہ افسوس اے کہ کیوں اپنایا۔ کاش نہ اپنایا ہوندا…بقول غالب
عبادت برق کی کرتا ہوں اور افسوس حاصل کا
س: کہڑے لباس وچ تسیں خود نوں باوقار محسوس کردے او؟
ج: پاکستان دے قومی لباس وچ۔
س: کوئی تریخی شخصیت جہدا نام سندے ای زندہ باد کہن نوں جی چاہندا ہووے؟
ج: قائداعظم جہناں دی ذات
روشنی اک روشنی سی روشنی
زندگی اک زندگی ہی زندگی
س: خوبصورت رنگ کہڑا لگدا اے؟
ج: ہلکا نیلا رنگ مینوں بہت پسند۔
س‘ کہڑی آواز سب توں بھلی لگدی اے؟
ج: ایسی آواز جہدے اتے مومن دا ایہہ مصرع صادق آندا اے۔
شعلہ سا چمک جائے ہے آواز تو دیکھو
س: کسی عمارت دا نام دسو جہڑی زمین اتے تہانوں سب توں سوہنی لگدی ہووے؟
ج: انسان دا وجود وی اک عمارت اے جہڑا دست فطرت دا شاہکار اے۔ خالق کائنات انسان نوں احسن تقویم قرار دتا اے۔
س: تہاڈی پسندیدہ صنف ادب؟
ج: شاعری وچ رباعی
س: میں نہ چاہندے ہوئے وی کرن تے مجبور آں؟
ج: دور حاضر نال مصالحت
س: میرا سر ندامت نال جھک جاندا اے؟
ج: انسان نوں در انسان اتے سجدہ ریز ویکھ کے
س: لفظ جہڑا میں استعمال کرن توں گریز کرنا واں؟
ج: سوقیانہ الفاظ…بالخصوص غزل وچ محبوب لئی ’’یار‘‘ دے لفظ نوں۔
س: زندگی وچ نکامی دا احساس کدوں ہویا؟
ج: ہر قدم اک امتحان اے زندگی۔ ایس امتحان دے نتیجے تک احساس نکامی کیہ معنی؟ ساڈا امتحان اجے ختم نہیں ہویا۔