انقلاب اسلامی جمہوریہ ایران دی 44ویں سالگرہ

ایران ‘پاکستان تے سارے دوستاں نوں مبارکباد پیش کردا اے:سید محمد علی حسینی
پاکستان تے ایران دو برادر اسلامی ملک محبت تے اخوت دے بندھن وچ بنھے نیں

فر حا ن علی

11فروری انقلاب اسلامی ایران دی فتح دا دن اے تے ہن جد کہ ا یران دی بہادر قوم انقلاب اسلامی دی فتح دی 44ویں سالگرہ منان لئی خود نوں تیار کر رہی اے۔ بے شمار رکاوٹاں نوں کامیابی نال ایس ملک دی تریخ دے اتار چڑھائو دے باوجود فتح وچ بدل دتا گیا۔ اوہ قوم جہنے اپنے لئی خودارادیت‘ آن والی نسلاں دی تقدیر تے اسباب و اقدار دی سربلندی دا عزم کر رکھیا سی۔ اوہ ہن اپنی شان و شوکت دے مقام اتے کھڑی اے۔ ایس تحریک دے آغاز نال ای ایرانی قوم نے اپنی جدوجہد وچ بہت سارے مقصد حاصل کیتے جہناں وچ تن اہم مطالبات استقلال‘ آزادی تے اسلامی حکومت شامل نیں۔ ایہہ نظریات مزاحمت تے برداشت دے بنیادی اصولاں وچ گہری جڑاں رکھدے سن۔ سازشاں‘ مکاریاں تے دشمناں دی کوششاں تے رکاوٹاں دے باوجود جہڑی قوم دی ترقی دی راہ کھڑی کیتی گئی تے جہناں دا مقصد ایران نوں اوہدے نظریات تے اہداف دے حصول توں روکنا سی فیر وی اوہ مضبوط ہوکے ابھریا۔ پہلاں توں بہتر اے تے ہن ایہہ ترقی تے خوشحالی ول تیزی نال اگے ودھ رہیا اے۔ ایس ویلے انقلاب دی شاندار فتح دے 44 ورھیاں مگروں اسلامی جمہوریہ نے 8 سالہ مسلط کردہ جنگ‘ ہر قسم دی اقتصادی پابندیاں‘ ودھ توں ودھ دبائو دی مہم‘ سیاسی دبائو تے میڈیا دی بیان بازی دے باوجود مختلف شعبیاں وچ اپنی افادیت دا ثبوت دتا اے۔ اسلامی جمہوریہ ایران تے ایرانی قوم ملک دے قومی مفادات وچ اپنا رستہ جاری رکھے گی۔ خدا تعالیٰ اتے ایمان‘ فہم و فراست تے دور اندیش قیادت‘ ماضی دے تجربے‘ نوجواناں‘ مرداں تے زنانیاں دے علم تے قابلیت اتے بھروسہ کردے ہوئے ایرانی قوم ہن بہتر تے کوشحال مستقبل ول ودھ رہی اے۔ ایران تے پاکستان دو ہمسایہ تے برادر ملک نیں۔ ایہہ دونویں قوماں گہرے مذہبی‘ ثقافتی تے تریخی رشتے رکھدیاں نیں تے 7 دہائیاں توں بوہتے عرصے توں امن تے دوستی دے نال اکٹھے رہ رہیاں نیں۔ ہن جد کہ انقلاب اسلامی ایران دی فتح دی 44 ویں سالگرہ دونویں دوستانہ‘ برادرانہ تے ہمسایہ ملکاں وچ سفارتی تعلقات دی 76 ویں سالگرہ دے موقع تے ہے منائی جا رہی اے۔ اسلامی انقلاب دے سارے چاہن والیاں تے پاکستان دے باشرف عوام نوں ایس موقع تے مبارکباد پیش کرنے واں۔ پاکستان وچ اسلامی جمہوریہا یران دے سفیر سید محمد علی حسینی دا انقلاب اسلامی ایران دی فتح دی 44 ویں سالگرہ دے موقع تے پیغام وچ کہیا اے کہا سلامی جمہوریہ ایران دے سفیر دی حیثیت نال میں پاکستان تے دنیا دے دوجے حصیاں وچ اسلامی جمہوریہ ایران دے سارے چاہن والیاں تے دوستاں نوں انقلاب اسلامی ایران دی فتح دی 44 ویں سالگرہ اتے مبارکباد پیش کرنا واں۔ تحریک دے آغاز توں ای ایرانی قوم نے اپنی تحریک وچ مقدس اہداف دا انتخاب کیتا جہڑے تن لفظاں‘ آزادی‘ آزادی تے اسلامی جمہوریہ وچ بیان کیتے جا سکدے نیں تے اوہناں دی جڑاں مزاحمت تے استقامت تے پرہیزگاری دے بنیادی اصولاں وچ پیوست سن۔ خدائے بزرگ و برتر دے فضل و کرم تے بہادر تے صابر عوام دی کوششاں تے مزاحمت پاروں اج ایران سارے شعبیاں وچ بے مثال ترقی کر رہیا اے تے خوشحالی دے دور توں لنگھ رہیا اے۔
سائنس‘ صنعتی ٹیکنالوجی‘ فوجی میدان وچ اوہنے حیرت انگیز کامیابیاں حاصل کیتیاں نیں۔ وطن عزیز ایران دی ترقی تے پیشرفت دی راہ وچ رکاوٹوں پان تے روڑے اٹکان دی غیر انسانی پابندیاں‘ خیانتاں‘ تخریب کاری تے دشمنی دی کوششاں جہناں دی مثال نہیں ملدی‘ دے باوجود ملت ایران اپنے اہداف تے مقاصد تک پہنچن وچ کامیاب رہی اے تے ایہدے توں ایران ہور مضبوط بن کے سامنے آیا اے تے بوہتے عزم دے نال اسلامی وطن دی ترقی تے خوشحالی دی راہ اتے گامزن اے۔
22بہمن (11فروری) انقلاب اسلامی ایران دی فتح دی سالگرہ اے تے ہن ایران دی بہادر قوم انقلاب اسلامی دی فتح دی 44ویں سالگرہ منا رہی اے جہنے اپنے عروج تے زوال دی سختیاں تے مشکلاں نوں فتح وچ بدل دتا۔
اپنی تریخ دے انھے واقعات دے نال پرعزم انداز وچ اگے ودھ رہے نیں۔ اتھرو تے مصائب دے دور دی مصیبتاں‘ اپنے پیاریاں دے گواچ جان دے غم تے بے جا دبائو نے سانوں ہور مزاحمت دا مظہر تے پرعزم بنا دتا اے۔ ایرانی قوم اپنی تقدیر تے آن والی نسلاں دی تقدیر خود طے کرن‘ انسانی عظمت دے ادراک‘ اپنے قومی‘ مذہبی تے ثقافتی نظریات تے اقدار دی سربلندی لئی پرعزم اے تے ایس راہ وچ کوئی کسر اٹھا نہیں رکھدی۔ پاکستان وچ اپنے مشن دے آخری سال وچ انقلاب اسلامی ایران دی فتح دی 44ویں سالگرہ منا رہیا اے۔ میں دونویں ملکاں وچ سارے شعبیاں وچ ودھدی یکجہتی تے گہرے تے مضبوط تعلقات ویکھ رہیا واں۔ دونویں ملکاں دی حکومتاں تے عوام اک دوجے دے نال دوستانہ تعلقات دی اہمیت تے افادیت توں بخوبی واقف نیں۔ اسیں دوستی دی گہرائی تے تعلقات تے جامع ترقی دے درخشاں دور دا مشاہدہ کر رہے آں۔
پاکستان تے ایران دوبرادر تے دوست ملک نیں جہناں دا مضبوط تریخی پس منظر تے تہذیبی‘ تریخی‘ نسلی‘ لسانی‘ ثقافتی تے مذہبی مشترکات مضبوط اقتصادی تے تجارتی تعلقات دی بنیاد فراہم کردے نیں۔ دونویں ملکاں نوں توانائی‘ سیاحت تے دوجے شعبیاں سنے دستیاب موقعیاں توں فیدہ چکن لئی اک قدم اگے ودھنا چاہیدا اے۔ اج دونویں ملک ایران تے پاکستان وچ گہری یکجہتی تے دوستی دونویں ملکاں دے مشترکہ اہداف دے حصول تے خطے تے دنیا وچ مشترکہ مفادات دے حصول دا ذریعہ اے۔ اخیر وچ میں ایس گل تے زور دینا واں کہ اسلامی جمہوریہ ایران نے ہمیشہ امن تے دوستی دا پیغام ساریاں نوں دتا اے تے تعلقات دی ترقی‘ غلط فہمیاں دے خاتمے تے ہمہ گیر تاون اتے زور دتا اے۔پاکستان- ایران دوستی پائندہ باد