وزیراعظم ہوراں فردوس عاشق نوںاستعفیٰ توں روک دتا

اسلام آباد(پنجابی میڈیا گروپ)وزیراعظم عمران خان نے ڈاکٹر فردوس عاشق اعوان دے استعفے دے معاملے دا نوٹس لیندئیاں ہوئیاں اوہناں نوں اینج دا فیصلہ کرن توں روک دتا اے۔ذرائع دے مطابق وزیراعظم نے اوہناں نوں بطور معاون خصوصی وزیراعلی پنجاب کم جاری رکھن دی ہدایت کیتی اے۔خیال رہے کہ ڈاکٹر فردوس عاشق اعوان نے سیالکوٹ ضمنی الیکشن دی انتخابی مہم وچ حصہ لین لئی مستعفی ہون دی اجازت منگیسی۔ایستوں پہلاں اک پریس کانفرنس وچ فردوس عاشق اعوان نے آکھیا سی کہ میرے حلقے وچ دو الیکشن ہو رہے نیں۔ ایس معاملے اُتے الیکشن کمیشن نے مسلسل مینوں نوٹس گھلے۔ میں وزیراعظم تے وزیراعلی توں اپیل کر رہی واں کہ مینوں الیکشن وچ کھل کے کھیڈن دی اجازت دتی جائے۔فردوس عاشق اعوان نے آکھیا کہ الیکشن مہم لئی مستعفی ہون دا آکھیا اے لیکن اجے مینوں وزیراعظم تے وزیراعلی ولوں اجازت نہیں ملی۔