بلوچستان وچ شدیدبھچال،20جاں بحق تے300زخمی

کوئٹہ(پنجابی میڈیا گروپ)بلوچستان دے مختلف علاقیاں وچ زلزلے نے تباہی مچادتی جہدے باعث 20 افراد جاں بحق تے 300افراد زخمی ہوگئے۔بلوچستان دے مختلف علاقیاں وچ رات گئے آن والے زلزلے نے شدید تباہی مچادتی اے جہد ے باعث 20 افراد جاں بحق تے متعدد زخمی ہوگئے جد کہ متاثرہ علاقیاں وچ امدادی کارروائیاں شروع کردتیاں گیاں نیں۔ زلزلہ پیمامرکز دے مطابق زلزلہ رات 3وج کے 2 منٹ ا تے آیا جہدی شدت 5.9 تے گہرائی 15 کلومیٹر سی جد کہ زلزلے دا مرکز ہرنائی دے نیڑے سی۔ کوئٹہ، سبی، چمن، زیارت، قلعہ عبداللہ ،ژوب، لورالائی، پشین، مسلم باغ تے دکی سنے دیگرعلاقیاںوچ وی زلزلے دے شدید جھٹکے محسوس کیتے گئے تاہم زلزلے دے باعث سبھ توں زیادہ جانی ومالی نقصان ہرنائی وچ ہویا جتھے متعدد مکانات تباہ ہوگئے تے سرکاری عمارتاں نوں وی نقصان آپڑیا اے۔ زخمیاں نوں کوئٹہ منتقل کرن لئی ہیلی کاپٹر ہرنائی آپڑ گیا اے۔ پاک فوج دے شعبہ تعلقات عامہ آئی ایس پی آر دے مطابق زلزلے دے باعث شدید زخمی ہون والے 9 افراد نوں آرمی ہیلی کاپٹرز دے ذریعے کوئٹہ منتقل کردتا اے ۔آئی ایس پی آر دے آئی جی ایف سی بلوچستان وی ہرنائی آپڑ گئے نیںتے خود نقصانات دا جائزہ لے رہے نیں۔