تحریک عدم اعتماد اُتے بلاول بھٹو نے آپئی عدم اعتماد دا اظہار کر دتا اے، اسد عمر

اسلام آباد (پنجابی میڈیا گروپ) وفاقی وزیر منصوبہ بندی، ترقی و اصلاحات اسد عمر نے آکھیا اے کہ تحریک عدم اعتماد اُتے بلاول بھٹو نے آپئی عدم اعتماد دا اظہار کر دتا اے، اوہناں نوںاپنے آپ اُتے یقین نہیں کہ تحریک عدم اعتماد کامیاب ہوئے گی یا نہیں، اتحادی جماعتاں نے کھل کے حکومت دی حمایت کیتی اے، اپوزیشن والے ساڈھے ارکاناں دی گنتی کر رہے نیں ، اپنے ارکاناں دی وی گنتی کردے رہن ، اینج نہ ہوئے کہ تحریک اعتماد والے دن اپوزیشن دے ارکان حکومت نوں ووٹ دے دین، ملکی تریخ وچ پہلی وار سول تے عسکری قیادت مل کے مثبت طریقے نال قومی مسائل نوں حل کرن لئی کم کر رہے ہیں۔ اک انٹرویو وچ اوہناں نے آکھیا کہ جس طرح جس طرح 2023ء نیڑے آ رہیا اے سیاسی محول بننا شروع ہو گیا اے، بلاول بھٹو تے ہور اپوزیشن جماعتاں وی جلسے کر کے عوام دے ساہمنے اپنا نقطہ نظر پیش کر رہیاں اے، وزیراعظم عمران خان عوام دی طاقت نال اقتدار وچ آئے نیں، اوہناں نے 6لوکاں توں شروع کر کے پارٹی بنائی اے، اوہناں دی ساری طاقت ای عوام اے ایس لئی عوامی وزیراعظم نوں عوام دے درمیان جانا چاہیدا اے، وزیراعظم عمران خان رمضان المبارک توں پہلاں سکھر، حافظ آباد، کرم، لوئر دیر تے مانسہرہ وچ وی جلسے کرن گے۔