سیاسی منظرنامے وچ تیزی: مسلم لیگ نواز دی سینئر قیادت دا علیم خان نال رابطہ

لہور( پنجابی میڈیا گروپ) سیاسی منظرنامے اُتے پنجاب دے سابق سینئر وزیر علیم خان حرکت وچ آگئے۔ مسلم لیگ نواز دی سینئر قیادت نے علیم خان نال رابطہ کرلیا ۔ علیم خان تے جہانگیر خان ترین اج توںسانجھی سیاسی حکمت عملی اپنان گے۔ ذرائع دے مطابق علیم خان دی پچھلے 3 دناں وچ 40 توں ودھ ارکان صوبائی اسمبلی نال ملاقاتاں ہویاں۔ علیم خان اج ترین ہم خیال گروپ نوں ملن ترین دے گھر وی جان گے۔ پارٹی وچ سارے گروپ بشمول ترین گروپ نوں اکٹھا کر کے سانجھا لائحہ عمل اپنایا جائے گا۔ جدوں تک سیاسی منظر نامہ واضح نہیں ہندا سارے ارکاناں دے ناماں نوں پوشیدہ رکھیا جائے گا۔ 40ارکاناں وچ 10صوبائی وزیر وی شامل نیں۔