اپوزیشن نے ہارس ٹریڈنگ دا بازار گرم کر رکھیا اے:شفقت محمود

گوجرانوالہ( پنجابی میڈیا گروپ) شفقت محمود نے آکھیا اے کہ پیپلز پارٹی دا لانگ مارچ نہیں فراڈ مارچ اے، چھوٹے شریف دے ملازماں دے اکائونٹ توں ارباں نکل رہے نیں، اپوزیشن نے ہارس ٹریڈنگ دا بازار گرم کر رکھیا اے، پارٹیاں بدلنا کوئی سیاست نہیں ۔ وفاقی وزیر شفقت محمود نے گوجرانوالہ وچ پریس کانفرنس کردیاں ہویاں آکھیا کہ تحریک انصاف نوں چھڈن والیاں دی سیاست ختم ہو جائے گی، وزیراعظم نے کل میلسی وچ کامیاب جلسہ کیتا، اپوزیشن تحریک عدم اعتماد شوق نال لیائے، اوہناں نوںمکمل طور اُتے نکامی ہوئے گی، اک شخص ملک توں نٹھیا ہویا اے، عوام اوہناں نوں کدی معاف نہیں کرے گی، اوہناں نوں اگلے الیکشن وچ شکست ہوئے گی، ملک توں نٹھن والا اپنیاں جائیداداں بارے کجھ نہیں دس سکیا ۔ شفقت محمود دا کہنا سی کہ لُٹ مار دے پیسے نال ہارس ٹریڈنگ ہو رہی اے، زرداری ٹولے دی کرپشن دیاں داستاناں زبان زدعام نیں۔